хитай канададин мең вәнҗуни қойуп беришини тәләп қилди

хитай, канададин, ванковерда назарәт астиға елинған технологийә ширкити хуавейниң хоҗайининиң қизи вә малийә ишлири директори мең вәнҗуниң қойуп берилишини тәләп қилди.

хитай канададин мең вәнҗуни қойуп беришини тәләп қилди

түркийә авази радийоси хәвири: хитай, канададин америка қошма иштатлириниң иранға йүргүзгән ембаргосиға хилаплиқ қилғанлиқи илгири сүрүлүп назарәт астиға елинған технологийә ширкити хуавейниң хоҗайининиң қизи вә малийә ишлири директори мең вәнҗуниң қойуп берилишини тәләп қилди.

хитайниң оттавада турушлуқ әлчиханиси байанат берип, мең вәнҗуниң америка қошма иштатлири йаки канада қанунлириға хилаплиқ қилмиғанлиқини тәкитлиди вә канададин бу хаталиқни вақтида тонуп, мең вәнҗуни қойуп беришини тәләп қилди. хитай әлчиханисиниң байанатида, «хитай тәрәп, кишилик һоқуққа еғир хилап бу қилмишқа қаттиқ қарши чиқиду вә бу әһвалға қаттиқ наразилиқ билдүриду» дегән ибариләргә орун берилди.

канада әдлийә министирлиқиниң байанатида, меңниң, америка қошма иштатлириниң иранға йүргүзгән ембаргосиға хилаплиқ қилиш билән 1 – декабирда ванковер шәһиридә назарәт астиға елинғанлиқи әскәртилгән вә америкиниң тәлипигә асасән назарәт астиға елинған мең вәнҗуниң 7 – декабир җүмә күни тунҗи сотқа чиқирилишиниң пиланлиниватқанлиқини билдүргәниди.

мең вәнҗу америкиға өткүзүп берилгән тәқдирдә, нйу йорк иштатиниң шәрқий район мәһкимисидә сотлинидиғанлиқи билдүрүлгәниди.

америка әдлийә министирлиқи, хитайниң әқлийфон ишләпчиқарғучиси вә учур –алақә гуруһи хуавей үстидин иранға йүргүзүлгән ембаргоға хилаплиқ қилғанлиқини илгири сүрүп апрел ейида тәкшүрүш елип беришни башлиғаниди.



مۇناسىۋەتلىك خەۋەرلەر