маһатир муһәммәд: хитай җәнубий деңизда өзбечимчилиқ билән һакимийәт тикләшкә урунмақта

малайшийа баш министири маһатир муһәммәд қайтидин мустәмликә астиға киришни халимайдиғанлиқини ейтти.

маһатир муһәммәд: хитай җәнубий деңизда өзбечимчилиқ билән һакимийәт тикләшкә урунмақта

түркийә авази радийоси хәвири: «Malaysiakini» гезитиниң хәвиридә, баш министир маһатир муһәммәдниң «Mekong Review» журнили билән өткүзгән мәхсус сөһбитидә, җунубий хитай деңизи мәслиси үстидә тохталғанлиқи қәйт қилинди. 

баш министир маһатир муһәммәд хитайниң районда өзбечимчилиқ билән һакимийәт тикләшкә уруниватқанлиқни тәкитләп, «хитай җәнубий хитай деңизидин өткән барлиқ парахотларни тәкшүрүшкә урунуп йүрмисә, малайшийаға нисбтән бирәр мәсилә болмайду. хитай һазирчә ундақ ишларни қилмайватиду. бирақ кейинчә парахотларни тәкшүрүшни башлиса, еғир мәсилиләр келип чиқиду» деди. 

маһатир муһәммәд хитайниң райондики күчиниң ешип кетиватқанлиқи һәққидики соалға җавабән: «һазир малайшийа нопусиниң %25 и хитайлардин тәкшил тапиду. әйни чағда малайшийани ишғал қилайдиған вәзийәттә ундақ қилалмиди. йәнә бир тәрәптин португалийә 1950йили малайшийа бесип келип, 2 йилда бизни ишғал қилди. ундақта биз кимдин қорқуймиз?» деди. 

маһатир муһәммәд малайшийаниң мустәқил бир дөләт икәнликини тәкитләп, «хитайниң һазир толуқ мәниси билән елип ейтқанда, пүтүн малайшийани сетивалалиғудәк пули бар. әгәр хитай сетивалған болса иди, һазир биз хитайниң бир өлкисигә айланған болаттуқ. лекин биз узун йилларғичә мустәмликигә қарши күрәш қилип, мустәқиллиқимизға ериштуқ. малайшийаниң земин пүтүнликини вә мустәқиллиқини қоғдаш һоқуқиға игә болдуқ. биз йәнә бир қетим қайтидин һәргизму мустәмликә болушни халимаймиз» деди.

әң муһим деңиз өткәллиридин бирси болған шундақла гиндокарбон байлиқи мол, җәнубий хитай деңизида, хитай, филиппин, вйетнам, малайшийа, бурунай вә тәйвән қатарлиқ дөләтләр игилик һоқуқини талишип кәлмәктә. 



مۇناسىۋەتلىك خەۋەرلەر