amérika seudi erebistan puqrasi 17 kishige magnitiski qanuni dairiside jaza yürgüzdi
amérika dairiliri, seudi erebistanliq zhurnalist jemal qashiqji suyiqesti bilen chétilishqi barliqi ilgiri sürülgen 17 neper erebistanliqqa jaza yürgüzüshni qarar qildi.
türkiye awazi radiyosi xewiri: amérika xezine ishliri ministirliqi yazma bayanat élan qilip, magnitiski kishilik hoquq jawabkarliri qanuni dairiside qashiqji jinayiti bilen chétishliq jaza yürgüzülgenler tizimlikini élan qildi.
washington dairliri magnitiski kishilik hoquq jawabkarliri qanuni dairiside seudi erebistan text warisi shahzadisi muhemmed bin selmanning sabiq bash meslihetchisi suud elqehtani, seudi erebistanning istanbuldiki turushluq bash konsuli muhemmed elkatibi we muawini mahir mutrib qatarliqlardin bashqa salah tubeyghi, meshel elbostani, naif elarif, mohemmed ezzehrani, mensur abahuseyin, xalid eluteybi, abduleziz elhewsawi, weliyd essehri, tair elherbi, fehd elbelawi, bedir eluteybi, mustafa elmedeni, seyif elqehtani we türki essehri isimlik seudi erebistan puqralirigha jaza yürgüzüshni bashlidi.
amérikining émbargo qarari dairiside bu kishilerning amérikidiki mal – mülükliri tonglitildi, amérikiliqlar bilen soda munasiwetliri ornitishliri meni qilindi.
émbargo jazasining qashiqji jinayiti yüz bérip 45 kün ötkendin kéyin élan qilinishi diqqetni tartti.
