qashiqji ailisi medinide teziye qobul qilishni bashlaydighanliqini uqturdi
seudi erebistanning istanbuldiki konsulxanisida öltürülgen zhurnalist jemal qashiqji üchün, bügündin tartip medinidiki öyide teziye qobul qilinidu.
türkiye awazi radiyosi xewiri: öltürülgen zhunalistning oghli salah qashiqji ijtimaiy taratqu tori tiwittérdiki adrési arqiliq bayanat bérip, «merhum jemal qashiqji üchün teziyeler jüme künidin yekshenbe künigiche medinidiki öyide qobul qilinidu» dégenlerni qeyt qildi.
qashiqji ailisining teziye toghrisidiki bayanati, seudi erebistan bash teptish mehkimisi bayanatchisi shelan eshshelanning tünügün qashiqji jinayiti tekshürüshi toghrisida paytext riyadta muxbirlarni kütüwélish yighini ötküzüshidin kéyinki waqitqa toghra keldi؛ bayanatchi shelan, 2 – öktebirde öltürülgen seudi erebistanliq zhurnalist jemal qashiqji jinayitige alaqidar tekshürüsh netijilirini ortaqliship, «qashiqjining jesiti, (seudi erebistanning istanbuldiki) konsulxanisida parchilinip sirtqa chiqirildi» dégenidi.
qashiqjini öltürüsh etriti qurush buyruqini sabiq dölet bixeterlik ishliri muawin bashliqi ehmed elesiyrining, öltürüsh buyruqini bolsa, etretning bashliqining chüshürgenlikini bildürgen shelan, «qashiqjining öltürülüshi weqeside 5 ademge ölüm jazasi bérish telep qilindi» dégenlerni qeyt qilghanidi.
