amérika ittipaqdash qisimliri bir ailidin 17 ademning jénigha zamin boldi

türkiye awazi radiyosi xewiri: amérika bashchiliqidiki xelqara ittipaqdash qisimliri süriyening sherqige jaylashqan deyrizor wilayitidiki bir yézini bombardiman qilip, bir ailidin 17 ademning jénigha zamin boldi.

deyrizordiki ishenchilik menbelerning bildürüshiche, xelqara ittipaqdash qisimliri deyrizorning sherqide térrorluq teshkilati daéshning changgilidiki süse rayonigha qarashliq elbubedran yézisini bombardiman qilip, bir ailidin ayal we bala bolup jemiy 17 ademning jénigha bolghan.

ittipaqdash qisimliri deyrizorning sherqide daéshning ishghaliyiti astidiki shipe we keshme rayonlirini aldinqi küni bombardiman qilip 20 ademning ölümige seweb bolghanidi.

shundaq qilip üch küch ichide eng az 37 adem amérika bashchiliqidiki xelqara ittipaqdash qisimlirining hujumlirida jénidin ayrildi.

bölgünchi térrorluq teshkilati y p g –p k k amérikaning yantayaq bolushi arqisida firat deryasining sherqide deyrizorning sherqiy we gherbiy rayonlirini tizgini astida tutmaqta.

amérikaning hawadin firansiyening  quruqluqtin yardimige ériship kéliwatqan y p g –p k k térrorluq teshkilati, bu yil 11-séntebirdin buyan daéshni deyrizordin teltöküs tazilash üchün heriket qilmaqta.  

süriye zéminining texminen %28i térrorluq teshkilati y p g –p k k ning ishghaliyiti astida turmaqta.

daésh bolsa süriyege tewe 3 rayonda heriket qiliwatqan bolup, süriye zéminining %3.3ni hélihem changgilida tutmaqta.

deyrizorning gherbide bolsa  beshshar esed qisimliri bar.