gérmaniyede bir türk yash birawning hayatini qutquzush yolida, özining hayatidin ayrildi

gérmaniyening firankfort shehiridiki poyiz istansisida, tömür yoligha yiqilip chüshken bir kishini qutquzmaqchi bolghan 17 yashliq türkiye puqrasi mustafa sözen gerche u kishini qutquzuwalghan bolsimu, özi nex meydanda hayatidin ayrildi.

gérmaniyede bir türk yash birawning hayatini qutquzush yolida, özining hayatidin ayrildi

 

türkiye awazi radiyosi xewiri: gérmaniyening yerlik metbuatlirining xewerliride, seyshenbe küni axshimi yüz bergen échinishliq weqege orun ajritildi.

firanfortta laboratoriye kespide oquwatqan mustafa sözen öyige qaytish üchün esténdistiras poyiz istansisigha kirginide, poyiz saqlash jeryanida bir kishining poyiz yoligha chüshüp ketkenlikini körüp, derhal poyiz yoligha sekrep chüshüp u kishini qutquzup qalghan.

saqchilarning bayan qilishiche, mustafa sözen qutquzush esnasida istansigha kirgen poyizdin özini qachuralmighan we nex meydanda hayatidin ayrilghan.

türkiyelik yash qutquzup qalghan kishining bolsa, mes ikenliki we qénida %2.6 lik késilta bayqalghanliqi, qazadinmu yaridar bolmastin qutquzup qilinghanliqi bildürüldi.

saqchilar poyiz békitide bixeterlik sinalghu apiratlirining yoqluqini uqturdi.

mustafa sözenning dadisi ejder sözen élan qilghan bayanatida, oghlining bashqilargha yardem qilish üchün öz hayatigha pisent qilmighanliqini éytti.

ejder sözen oghlining perishtidek bir oghul ikenlikini we özining bolsa, ewladidin ayrilip qilishning qattiq azabini chékiwatqanliqini tilgha aldi. 

ejder sözen weqedin kéyinki saqchilarning pozitsiyesini tenqid qilip, «saqchilar bizge oghlumning jasaritini sinap baqqan bolushi mumkinlikini éytti. némige asaslinip shundaq déyiishdu? méning oghlum laboratoriye mutexessisi bolushni xalaytti. perishtidek bir oghul idi» dédi.

ejder sözen oghlning méyitini öz yürti aydinning nazili nahiyeside yerlikige qoyidighanliqini bildürdi.


خەتكۈچ: weqe , türk yash , gérmaniye

مۇناسىۋەتلىك خەۋەرلەر