болтон: авазлар шаһзадиниң қашиқҗи җинайити билән алақисиға барлиқиға ишарәт қилмайду

ақсарай дөләт хәвпсизлик ишлири мәслиһәтчиси җон болтон, журналист җәмал қашиқҗиниң өлтүрүлүшигә алақидар аваз лентилириниң сәуди әрәбистан тәхт вариси шаһзадиси муһәммәд бин сәлманниң вәқәгә арилашқанлиқиға ишарәт қилмайдиғанлиқини илгири сүрди

1087776
болтон: авазлар шаһзадиниң қашиқҗи җинайити билән алақисиға барлиқиға ишарәт қилмайду

түркийә авази радийоси хәвири: 33 – нөвәтлик шәрқий җәнубий асийа дөләтлири иттипақи башлиқлар йиғиниға иштирак қилиш үчүн сингапорға барған җон болтон мухбирларға байанат берип, авазларни аңлиғанларниң вәқәгә әрәбистан тәхт вариси шаһзадисиниң арилашқанлиқи хуласисини чиқармиғанлиқини илгири сүрди. у, америка пирезиденти доналд трампниң, қашиқҗи өлтүрүлгән 2 – өктәбирдә истанбулдики әрәбистан консулханисида немә ишларниң болғанлиқиға даир һәқиқәтни билишни халайдиғанлиқини әскәртип, «авазни мән тиңшимидим, бирақ тиңшиғанлар, һәрқандақ бир шәкилдә вәқә билән тәхт вариси шаһзадини мунасивити бар дәп қаримиди» деди.

җумһур рәис рәҗәп таййип әрдоған, қашиқҗиниң өлтүрүлүши тоғрисида 10 – нойабирда байанат берип, авазларниң сәуди әрәбистан, америка, германийә, фирансийә вә әнглийәгә тиңшитилғанлиқини билдүргәниди.

нйу йорк вақти гезити, қашиқҗи суйиқәсти үчүн түркийәгә кәлгән 15 кишидин бириниң җинайәт йүз берип узун өтмәйла телефон елип, тәхт вариси шаһзадә муһәммәд бин сәлманни көздә тутқан һалда, «хоҗайиниңизға дәп қойуң, адәмләр ишини түгәтти» дегәнликини илгири сүргәниди.

сәуди әрәбистанлиқ журналист җәмал қашиқҗиниң 2018 – йили 2 – өктәбир сәйшәнбә күни сәуди әрәбистанниң истанбулдики консулханисиға кирәр – кирмәйла вәһшийләрчә өлтүрүлгәнлики оттуриға чиққаниди.  



مۇناسىۋەتلىك خەۋەرلەر