esed küchliri idlibtiki ahaliler rayonlirini bombardiman qilishni dawamlashturmaqta

süriyede beshshar esed küchliri bilen uni qollighuchi chet ellik térrorchilar, sochi kélishimige qarimay idlibning jenubidiki ahaliler rayonigha hujm qilishni dawamlashturmaqta.

esed küchliri idlibtiki ahaliler rayonlirini bombardiman qilishni dawamlashturmaqta

türkiye awazi radiyosi xewiri: hakimiyet küchliri we uni qollighuchi chet ellik térrorchilar, «idlibning jiddiychilikni azaytish rayoni» chégraliri ichidiki sochi kélishimining rohigha asasen, éghir tipliq qorallardin xaliylashturulghan rayondiki ahaliler rayonlirigha éghir tipliq qorallarni ishlitip hujum qilmaqta.

esed küchliri we qollighuchiliri, bügün yérim kéchide idlibning jenubidiki jerjenaz baziri, tuh, sukéyk we téméniya yéziliri bilen hamaning shimalidiki latamne nahiyesi we morik rayonidiki ahaliler rayonlirigha zembirek hujumi qozghidi.

hujumlarda ölgen we yarilanghan sani toghrisida hazirche héchqandaq uchur yoq.

türkiye bilen rusiye arisida 17 – séntebirde imzalanghan sochi kélishimidin buyan hakimiyetning hujumlirida jemiy 25 puqra hayatidin ayrildi, onlarche puqra yarilandi.

hakimiyet küchlirining hujumlirining dawamlishiwatqan bolushigha qarimay, herbiy öktichiler kélishimning rohigha asasen, 10 - öktebirde belgilengen rayonlardin éghir tipliq qorallirini chékindürgenidi.


خەتكۈچ: hujum , idlib , esed , süriye

مۇناسىۋەتلىك خەۋەرلەر