әсәд күчлири идлибтики аһалиләр районлирини бомбардиман қилишни давамлаштурмақта

сүрийәдә бәшшар әсәд күчлири билән уни қоллиғучи чәт әллик террорчилар, сочи келишимигә қаримай идлибниң җәнубидики аһалиләр райониға һуҗм қилишни давамлаштурмақта.

әсәд күчлири идлибтики аһалиләр районлирини бомбардиман қилишни давамлаштурмақта

түркийә авази радийоси хәвири: һакимийәт күчлири вә уни қоллиғучи чәт әллик террорчилар, «идлибниң җиддийчиликни азайтиш райони» чегралири ичидики сочи келишиминиң роһиға асасән, еғир типлиқ қораллардин халийлаштурулған райондики аһалиләр районлириға еғир типлиқ қоралларни ишлитип һуҗум қилмақта.

әсәд күчлири вә қоллиғучилири, бүгүн йерим кечидә идлибниң җәнубидики җәрҗәназ базири, туһ, сукейк вә теменийа йезилири билән һаманиң шималидики латамнә наһийәси вә морик районидики аһалиләр районлириға зәмбирәк һуҗуми қозғиди.

һуҗумларда өлгән вә йариланған сани тоғрисида һазирчә һечқандақ учур йоқ.

түркийә билән русийә арисида 17 – сентәбирдә имзаланған сочи келишимидин буйан һакимийәтниң һуҗумлирида җәмий 25 пуқра һайатидин айрилди, онларчә пуқра йариланди.

һакимийәт күчлириниң һуҗумлириниң давамлишиватқан болушиға қаримай, һәрбий өктичиләр келишимниң роһиға асасән, 10 - өктәбирдә бәлгиләнгән районлардин еғир типлиқ қораллирини чекиндүргәниди.



مۇناسىۋەتلىك خەۋەرلەر