йавропа иттипақи тәбиий газ туруба линийәси лайиһәсини мақуллиди

йавропа иттипақи комитети гиретсийә билән булғарийә оттурисида бәрпа қилинидиған тәбиий газ туруба линийәси лайиһәсини мақуллиди.

йавропа иттипақи тәбиий газ туруба линийәси лайиһәсини мақуллиди

түркийә авази радийоси хәвири: йавропа иттипақи комитети тәрипидин бу һәқтә елан қилинған байанатта әскәртилишичә, енергийә билән тәминләшни капаләт астиға елишта вә икки дөләт оттурисидики һәмкарлиқни йәниму күчәйтиштә муһим рол ойнйдиған лайиһә, йавропа иттипақи органлириниң қоллаш өлчимигә тошидикән.

лайиһәгә асасән, гиретсийәниң гүмүлҗинә вә булғарийәниң кона зағра шәһәрлири оттурисида җәмий 182 километирлиқ тә туруба линийәси бәрпа қилинидикән.

җәмий 240 милйон йавро мәбләғ селинидиған лайиһәниң, 2021 – йили ишқа кириштүрүлүши вә йилиға 3 милйард куб метирлиқ тәбиий газ тошуш иқтидариға игә болуши пиланланмақта икән.

йавропа иттипақи әллиригә қайси шәкилдә қоллаш һоқуқ бериш йавропа иттипақи комитетиниң вәзипә өтәш саһәсигә киридиған болуп, йавропа иттипақи әллири рәсмий иқтисадий йардәмләрни пәқәт риқабәттә зийан йәткүзмәйдиған шәкилдә вә омумниң мәнпәәтиға унғун һалдила ишлитәләйдикән.



مۇناسىۋەتلىك خەۋەرلەر