iran amérikini eyiblidi

iran tashqi ishlar ministiri muhemmed jewad zerif, «iran we yemenge qarshi sadir qilinghan insanliq jinayitining jawabkari amérika qoshma ishtatliridur» dédi.

iran amérikini eyiblidi

türkiye awazi radiyosi xewiri: iran tashqi ishlar ministiri muhemmed jewad zerif, amérikiliq mensepdéshi mayk pompéyoning yemen we irangha alaqidar bayanatlirigha naraziliq bildürüp, iran we yemenge qarshi sadir qilinghan insanliq jinayitining jawabkarining amérika ikenlikini eskertti.

u ijtimaiy taratqudiki adrési arqiliq bayanat bérip, «iranliqlarning ashliq we dora üchün zörür bolghan maliye xizmetliridin behrimen bolushigha tosqunluq qilghan amérikining qanunsiz émbarglirining jawabkarliqi» ni irangha dönggep qoyghanliqini éytti.

amérikining tosqunluqlirigha qarimay iranliqlargha ashliq, dora we bashqa éhtiyajliq nersilerni yetküzüp béridighanliqlirini bildürgen zerif, «iran we yemenge qarshi sadir qilinghan insanliq jinayitining jawabkari amérika qoshma ishtatliridur» dédi.

u, yemendiki özgirishler toghrisida mayk pompéyogha xitaben mundaq dep yazdi: «mayk pompéyo néme deydighanliqimgha qara. duchar bolghan acharchiliqning jawabkari yemenliklerning özidur. chünki, yemenlikler mekteplerning mulazimet aptomobillirini bombardiman qilish üchün milyardlap dollarlar we <bu xewpni yenggillitish üchün yene milyonlar> ni serp qilidighan hamiyliqinglardiki qassap (seudi erebistan) qa qarshiliq körmestin özlirini yoqitip tashlishigha yol qoymasliqi kérek idi. nomus qilmamsiler?»

amérika tashqi ishlar ministiri mayk pompéyo, seudi erebistanning yemenge milyonlarche dollarliq insaniy yardem bergenlikini élan qilghanidi.

amérikining iran alahide wekili briyan xok bolsa, émbargolarning nishanining iran xelqi emes, hakimiyet ikenlikini we shunga dora, sehiye we ashliq sahelirige émbargo yürgüzmigenliklirini bildürgenidi.


خەتكۈچ: yemen , amérika , iran

مۇناسىۋەتلىك خەۋەرلەر