б д т: қашиқҗи вәқәсигә алақидар тәкшүрүшләрни йеқиндин көзитиватимиз

б д т, сәуди әрәбистанлиқ журналист җәмал қашиқҗи (хашиқҗи) ниң өлтүрүлүшигә алақидар мәсилиләрниң күзитиливатқанлиқини вә тәкшүрүш ахирлашқандин кейин ташлинидиған қәдәмләрниң музакирә қилинидиғанлиқини елан қилди.

б д т: қашиқҗи вәқәсигә алақидар тәкшүрүшләрни йеқиндин көзитиватимиз

түркийә авази радийоси хәвири: б д т баш катипи байанатчилиридин фархан һәқ күндилик мухбирларни күтүвелиш йиғинида, қашиқҗи җинайитигә алақидар әң йеңи әһваллар тоғрисидики бир соалға «мәсилигә мунасивәтлик өзгиришләрни йеқиндин көзитиватимиз» дәп җаваб бәрди؛ мунасивәтлик дөләтләрниң тәкшүрүшлирини күзитиватқанлиқлирини билдүргән фархан һәқ, тәкшүрүшләр ахирлашқандин кейин б д т ниң ташлайдиған қәдәмлириниң музакирә қилинидиғанлиқини қәйт қилди.

у, б д т баш катипи антонио гутерресниң алақидар тәрәпләрни тез вә очуқ – ашкара тәкшүрүш елип беришқа чақирғанлиқини хатирилитип өтти.

сәуди әрәбистанлиқ журналист җәмал қашиқҗиниң 2018 – йили 2 – өктәбир сәйшәнбә күни сәуди әрәбистанниң истанбулдики консулханисиға кирип кәткәндин кейин издерики елиналмиғаниди.

сәуди әрәбистан аридин 18 күн өткәндин кейин, йәни  20 – өктәбирдә қашиқҗиниң консулханида өлтүрүлгәнликини етирап қилишқа мәҗбур болуп қалғаниди.

талаш – тартишниң җедәлгә айланғанлиқи, нәтиҗидә қашиқҗиниң һайатидин айрилғанлиқи» ниң оттуриға чиққанлиқи илгири сүрүлгәниди.

истанбул җумһурийәт баш тәптиш мәһкимиси түнүгүн байанат берип, «өлтүрүлгүчи җәмал қашиқҗи, 2018 – йили 2 – өктәбирдә никаһлиниш рәсмийәтлирини тәстиқлитиш үчүн киргән сәуди әрәбистан падишаһлиқиниң истанбулдики консулханисида – алдин түзүлгән пиланға асасән – консулхана бинасиға кирәр – кирмәйла боғулуп өлтүрүлгән. җәсити, йәнә алдин пиланланғини бойичә, парчилинип йоқитип ташланған» дегәнләрни қәйт қилғаниди.


خەتكۈچ: қашиқҗи , б д т

مۇناسىۋەتلىك خەۋەرلەر