путин - нетанйаһу учришиши әмәлдин қалдурулди

түркийә авази радийоси хәвири: исраилийә дөләтлик медийа оргини KAN ниң хәвәр қилишичә, 1918 – йили иттипақдаш дөләтләр билән германийә арисида имзаланған уруш тохтитиш келишиминиң роһиға асасән биринчи дунйа урушиға рәсмий хатимә бәргән «уруш тохтитиш күни» ниң 100 йиллиқи мунасивити билән парижда өткүзүлидиған мурасимларға иштирак қилиши күтүлүватқан нетанйаһу билән путинниң пиланланған учришиши, тел авив билән москва линийәсидә көрүлгән сүрийәдики өзгиришләргә алақидар соғуқчилиқлар йүзисидин бикар қилинған.

исраилийәниң, синтәбир ейида русийә һәрбий айропилани чүшүрүветилгәнди кейинму сүрийәдики һава һәрикәтлирини давамлаштурғанлиқини елан қилишиниң москваниң ғәзипини қозғап қойғанлиқи илгири сүрүлгән мәзкур хәвәрдә, бу қетимқи учришишниң бикар қилинишиниң икки рәһбәрниң ортақ қарариму йаки бир тәрәплимә чиқирилған бир қарарму? дегән соалларниң җаваблириға орун берилмиди.

мәйли москва, мәйли тел авив учришишниң бикар қилинғанлиқи тоғрисидики хәвәрләргә һазирғичә һечқандақ изаһат бәрмигән болсиму, исраилийә таратқулири, нетанйаһуниң путин билән 11- нойабирда өткүзүши пиланлиниватқан учришиши бикар қилинғанлиқи үчүн, париждики мурасимларға иштирак қилмаслиқ мәсилисини ойлишиватқанлиқини йазди.