erebistan edliye ministiri «elerebiyye» ning qashiqji toghrisidiki soallirigha jawab berdi

seudi erebistan edliye ministiri welid samani, zhurnalist jemal qashiqji (xashiqji) weqesige alaqidar tekshürüsh we sotlash musapisining qachan axirlishidighanliqining éniq waqti yoqluqini éytti.

erebistan edliye ministiri «elerebiyye» ning qashiqji toghrisidiki soallirigha jawab berdi

türkiye awazi radiyosi xewiri: samani seudi erebistanning iqtisadiy yardimi bilen xizmetlirini dawamlashturuwatqan dubey merkezlik «elerebiye téléwiziyesi» ning soallirigha jawab bérip, padishahliqning qanun we edliye musapisining éniq ikenlikini, bu délogha munasiwetlik herqandaq bir telepning oxshash délolarning usul we métodlirigha parallél bolidighanliqini bildürdi.

u, qashiqji délosigha munasiwetlik tekshürüsh we sotlash musapisining qachan axirlishidighanliqi toghrisidiki bir soalgha, «meyli tekshürüsh, meyli sotlashta bolsun, muddet we resmiyetler jinayi ishlar qanunliri boyiche békitilidu. tekshürüsh waqit alidu we qachan axirlishidighanliqi téximu mueyyenleshmidi. bash teptish mehkimisining tekshürüshni axirlashturushini kütüwatimiz» dep jawab berdi.

samani buningdin ilgiri seudi erebistan resmiy xewer agéntliqi – spagha bayanat bérip, «qashiqji weqesi erebistan padishahliqining igilik hoquqi dairisidiki bir zéminda yüz berdi» dégenidi.

riyad dairiliri, 2 – öktebirde seudi erebistanning istanbuldiki konsulxanisigha kirip ketkendin kéyin izdéreksiz yoqap ketken qashiqjining «konsulxanidiki jédel netijiside ölüp ketkenliki» ni élan qilghanidi.

seudi erebistan resmiy xewer agéntliqi – spaning xewiride, seudi erebistan bash teptish mehkimisining tekshürüshi netijiside, jemal qashiqji istanbul konsulxanisigha kirip, u yerdiki bashqa seudi erebistanliqlar bilen detalash qilishqa bashlighanliqi, talash – tartishning jédelge aylanghanliqi, netijide qashiqjining hayatidin ayrilghanliqi» ilgiri sürülgenidi.


خەتكۈچ: elerebiyye , edliye , qashiqji , erebistan

مۇناسىۋەتلىك خەۋەرلەر