трамп: җамал қашиқчиниң бешиға кәлгәнләрни қобул қилғили болмайду

америка қошма иштатлири пирезиденти доналд трамп сәуди әрәбистанлиқ журналист җамал қашиқчиниң бешиға кәлгәнләрни қобул қилғили болмайдиғанлиқини ейтти.

трамп: җамал қашиқчиниң бешиға кәлгәнләрни қобул қилғили болмайду

 түркийә авази радийоси хәвири: сәуди әрәбистан һөкүмитиниң, 2  - өктәбир күни истанбул баш консулханисиға киргәндин кейин из - дерәксиз йоқап кәткән сәуди әрәбистанлиқ журналист җамал қашиқчиниң «консулхана бинасида йүз бәргән патпарақчилиқ нәтиҗисидә өлгәнликини» җакарлишидин кейин, америка қошма иштатлири пирезиденти доналд трамп,  аризона иштатида мухбирларниң бу һәқтики соаллириға җаваб бәргәндә, мундақ деди: «сәуди әрәбистанлиқ журналист  җамал қашиқчиниң бешиға кәлгәнләрни қобул қилиш мумкин әмәс. сәуди әрәбистан һөкүмитиниң бу һәқтики байанатини <чоң қәдәм> дейишкә болиду, шундақла сәуди әрәбистанниң бу байанатиға ишинишкә болиду. бу һәқтә сәуди әрәбистан тәхт вариси шаһзадә муһәммәд бин сәлман билән көрүшимән, <сәуди әрәбистан һөкүмити бу мәсилидә йалған ейтиватиду>, дәп қаримаймән. бизниң сәуди әрәбистандин сорашқа тегишлик соаллиримиз болиду, бу мәсилидә дөләт мәҗлиси билән зич һәмкарлишимиз. бу һәқтә сәуди әрәбистан тәхт вариси шаһзадә муһәммәд бин сәлман билән көрүшкәндин кейин, ташлашқа тегишлик қәдәмлиримизгә алақидар қарарлиримизни елан қилимиз. рийад һөкүмитиниң җамал қашиқчиниң өлтүрүлүш вәқәсигә четишлиқи бар кишиләрни қолға елиши наһайити муһимдур.»

трамп мухбирларниң, америка қошма иштатлири билән сәуди әрәбистан оттурисидики  110 милйард долларлиқ «қорал - йарағ келишими» ниң ақивитигә алақидар соаллириға җаваб бәргәндә, бу келишимни қоғдап қелишни халайдиғанлиқини әскәртиш билән бир вақитта, буниң орниға, сәуди әрәбистанға ембарго йүргүзүш йолини таллайдиғанлиқиниму сөзлиригә илавә қилди, һәмдә америка қошма иштатлириниң иранға қарши «тәңпуңлуқ күчи»  сүпитидә сәуди әрәбистанға еһтийаҗи барлиқини тәкитлиди.

бу арилиқта, ақсарай тәрипидин җамал қашиқчиниң ақивити ениқ болғандин кейин елан қилинған тәзийәнамидә, вашингтонниң сәуди әрәбистанлиқ журналист җамал қашиқчиниң өлүмидин  толиму әпсуслинидиғанлиқи әскәртилди, униң йеқин – йоруқлириға вә  болғуси айалиға тәзийә билдүрүлди. шуниң билән бир вақитта, тәзийәнамидә,  бу мәсилиниң адил, очуқ - ашкара вә пиринсипларға уйғун һалда бир тәрәп қилиниши үчүн, америка қошма иштатлириниң җамал қашиқчи вәқәсини тәкшүрүш ишлирини адақичә көзитидиғанлиқи тәкитлинип мундақ дейилди: «рийад һөкүмитиниң сәуди әрәбистанлиқ журналист җамал қашиқчиниң ақивитигә мунасивәтлик байанатини қобул қилимиз.»

гәрчә трамп  рийад һөкүмитиниң қашиқчиниң өлүмигә мунасивәтлик байанатини ишәнчилик дәп қарисиму, бирақ палата вә дөләт мәҗлисидики муһим шәхсләр буни «гуманлиқ дәп қаримақта. һәтта бәзи палата әзалири бу вәқәниң магнитиски қануни даирисидә тәкшүрүлүшини тәләп қилмақта.



مۇناسىۋەتلىك خەۋەرلەر