seudi erebistan yoqap ketken zhurnalist jamal qashiqchining ölgenlikini étirap qildi

seudi erebistan hökümiti 2  - öktebir küni istanbul bash konsulxanisigha kirgendin kéyin iz - déreksiz yoqap ketken seudi erebistanliq zhurnalist jamal qashiqchining «konsulxana binasida yüz bergen patparaqchiliq netijiside ölgenlikini» étirap qildi.

seudi erebistan yoqap ketken zhurnalist jamal qashiqchining ölgenlikini étirap qildi

türkiye awazi radiyosi xewiri: seudi erebistanning resmiy «‹ SPA › xewer agéntliqi» ning bu heqte élan qilghan xewiride, seudi erebistan bash teptish mehkimisi teripidin élip bériliwatqan tekshürüsh netijiside, jamal qashiqchining seudi erebistanning istanbulda turushluq bash konsulxanisigha kirgenliki, andin uning bu yerdiki bashqa seudi erebistan puqraliri bilen talash – tartish qilishqa bashlighanliqi, talash – tartishning patparaqchiliqqa aylinip ketkinliki, buning netijiside jamal qashiqchining hayatidin ayrilghanliqi eskertildi, seudi erebistan bash teptish mehkimisining weqeni dawamliq tekshürüwatqanliqi, weqege chétishliqi barliqi bilen eyiblinip, 18 seudi erebistan puqrasining qolgha élighanliqi qeyt qilindi. shuning bilen bir waqitta, zhurnalist jamal qashiqchining ölüp kétishige seweb bolghan barliq jawabkarlardin hésab élinidighanliqi we adaletke tapshurulidighanliqi, derweqe, bash teptish mehkimisining qolgha chüshürgen barliq delil – ispatlarni ortaqlishiwatqanliqi, jawabkarlarni sotqa tapshurushqa teyyarliniwatqanliqi tekitlendi.

yene bir tereptin, seudi erebistan türkiyening jumhur reis rejep tayyip erdoghan hökümiti  yétekchilikide jamal qashiqchi weqesini tekshürüsh jeryanida zich hemkarlashqanliqidin intayin xursen ikenlikini bildürdi.

riyad, türkiye dairilirining gumanliq kishiler toghruluq ortaqlashqan melumatlarning jamal qashiqchi weqesining éniqlap chiqilishida muhim rol oynighanliqini uqturdi.

buningdin bashqa yene, seudi erebistan xan sariyi bu heqte qararname élan qilip, seudi erebistan axbarat ishliri bash orginining diréktor yardemchisi ehmed asirinimu öz ichige alghan yuqiri derijilik 5 kishini wezipisidin élip tashlidi.

seudi erebistan axbarat ishliri bash orginini qaytidin teshkillesh üchün text warisi shahzade muhemmed bin selman bashchiliqida ministirliq komitéti qurulushi qararlashturuldi.



مۇناسىۋەتلىك خەۋەرلەر