хәлқара сақчи тәшкилати 1300 кишини назарәткә алди

хәлқара сақчи тәшкилати 93 дөләттә елип барған һәрикәтлири җәрйанида 56 тоннидин көпрәк зәһәрлик чекимликни қолға чүшүрүп, 1300 кишини назарәткә алди.

хәлқара сақчи тәшкилати 1300 кишини назарәткә алди

 

түркийә авази радийоси хәвири: хәлқара сақчи тәшкилати «Interpoll» тәрипидин елан қилинған байанатта, 17 синтәбирдин 8өктәбирғичә болған арилиқта дунйа миқйасида зәһәрлик чекимлик әткәсчиликигә қарши «Lionfish» намлиқ тутуш һәрикити елип барғанлиқи билдүрүлди. 

байанатта җәмий 93 дөләттә елип берилған һәрикәт нәтиҗисидә, 35 тонна кокайин, 5 тонна хироин, 15 тонна нәшә, 430 миң данә катагон вә 18 милйон данә «йаба» исимлиқ суний мәс қилғуч дора қолға чүшүрүлгәнлики билдүрүлди.

һәрикәт җәрйанида 1300 кишиниң назарәткә елинғанлиқи, голландийәдә суний мәс қилғуч дора ишләпчиқирилидиған бир мәхпий ойниң оттуриға чиқирилғанлиқи қәйт қилинди.

һәрикәт җәрйанида йәнә, беразилийәниң сантос портидин бир парахот билән пил чиши саһилиға елип кетиливатқан 1200 кело кокайинниңму қолға чүшүрүлгәнлики уқтурулди.

пүтүн дунйа миқйасида зәһәрлик чекимликкә қарши елип берилған кәң көләмлик һәрикәт болуш алаһидиликигә игә «Lionfish» намлиқ тутуш һәрикитиниң қазақистан, коломбийә, роминийә зимбави вә сингапор қатарлиқ 5 дөләттики мәркәздин башқурулғанлиқи билдүрүлди.



مۇناسىۋەتلىك خەۋەرلەر