tramp: amérika merkiziy bankisi manga nisbeten eng éghir tehdit

amérika qoshma ishtatliri pirézidénti donald tramp, amérika merkiziy bankisi (FED) ning özige nisbeten eng éghir tehdit ikenlikini éytti.

tramp: amérika merkiziy bankisi manga nisbeten eng éghir tehdit

türkiye awazi radiyosi xewiri: trampning amérikining foks soda qanilining söhbet pirogrammisida, amérika merkiziy bankisini eyibleshni dawamlashturdi؛ u, banka musteqil bolghanliqi üchün pul siyasiti toghrisida amérika merkiziy bankisi bashliqi jéromé powél bilen körüshelmigenlikini eskertip, «amérika merkiziy bankisi ösümlerni nahayiti téz östürmekte. musteqil bolghanliqi üchün uning (amérika merkiziy bankisi bashliqi powél) bilen sözleshmeywatimiz, biraq qilghan ishliridin memnun emesmen. chünki, nahayiti téz (kétiwatidu) dédi.

tramp, pul paxalliqigha dair sanliq melumatlarning töwen chiqqanliqini, amérika merkiziy bankisining ösüm östürüshni dawamlashturushining xata ikenlikini tilgha alghan halda, «amérika merkiziy bankisi manga nisbeten eng éghir tehdit» dégenlerni qeyt qildi.

bu trampning, u wezipe tapshurup alghandin buyan 6 qétim ösüm östürgen amérika merkiziy bankisigha qaratqan deslepki eyiblishi emes. tramp, ötken hepte «amérika merkiziy bankisini xata qildi, dep oylawatimen. pul – muamile bazarliri nahayiti ching, amérika merkiziy bankisining béshi éliship qaldi» dégenidi.

küchlük dollarning amérika shirketlirining ishlirini qiyinlashturup qoyidighanliqini ilgiri sürgen tramp, amérika merkiziy bankisi powélni wezipidin élip tashlashni oyliship – oylashmighanliqi toghrisidiki bir soalgha, «yaq, uni heydiwetmeymen. peqet ümidsizliniwatimen» dep jawab bergenidi.



مۇناسىۋەتلىك خەۋەرلەر