трампниң сәуди әрәбистанлиқ журналист һәққидә бәргән мәлуматиниң йалған икәнлики илгири сүрүлди

америка қошма иштатлири пирезиденти доналд трампниң йоқап кәткән сәуди әрәбистанлиқ журналист җамал қашиқчи һәққидә бәргән мәлуматиниң тоғра әмәслики илгири сүрүлди.

трампниң сәуди әрәбистанлиқ журналист һәққидә бәргән мәлуматиниң йалған икәнлики илгири сүрүлди

түркийә авази радийоси хәвири: америка қошма иштатлири пирезиденти доналд трамп 2 – өктәбир күни сәуди әрәбистанниң истанбулдики баш консулханисиға киргәндин кейин йоқап кәткән өктичи журналист җамал қашиқчи һәққидә елан қилған байанатида, мундақ дегәниди: «истанбулда бизниң тәптишлиримиз бар, вәқәни түркийә билән бирликтә, тоғрирақи сәуди әрәбистан билән бирликтә  тәкшүрүватимиз, вәқәниң сирини чоқум ениқлап чиқимиз.»

трамп америкиниң «‹ Fox › телевизийә қанили» ниң зийаритини қобул қилғанда бәргән байанатида, бу мәсилини йеқиндин тәқиб қиливатқанлиқлирини, җүмлидин бу мәсилини түркийә вә сәуди әрәбистан билән бирликтә тәкшүрүватқанлиқлирини йетқаниди.

мәлуматларға қариғанда, дипломатик мәнбәләр, «америка қошма иштатлириниң сәуди әрәбистанлиқ өктичи журналист җамал қашиқчи һәққидә бәргән мәлуматлири тоғра әмәс» дегән.

сәуди әрәбистанлиқ ислаһатчиларға нисбәтән муһим мунбәр һесаблинидиған «‹вәтән› гезити» гә муһим төһпиләрни қошқан һәмдә ғәрб таратқулирида оттура шәрқ райониға мунасивәтлик хәвәрлири билән тонулған җамал қашиқчи, 2 – өктәбир күни рәсмийәтлирини беҗириш үчүн сәуди әрәбистанниң истанбулдики баш консулханисиға киргәндин кейин йоқап кәткәниди.



مۇناسىۋەتلىك خەۋەرلەر