jasusluq bilen eyiblengen xitay amérikigha tapshurup bérildi

amérika qoshma ishtatliri edliye ministirliqi xitaygha iqtisadiy jasusluq qilish we amérika awiyatsiye shirketlirining sodigha alaqidar sirlirini oghrilash bilen eyiblewatqan bir xitayni bélgiyedin tapshuruwaldi.

jasusluq bilen eyiblengen xitay amérikigha tapshurup bérildi

türkiye awazi radiyosi xewiri: amérika qoshma ishtatliri edliye ministirliqi teripidin bu heqte élan qilinghan yazma bayanatta eskertilishiche, xitaygha iqtisadiy jehettin jasusluq qilish bilen eyiblinip bélgiyede tutulghan xitay jamaet xewpsizliki ministirliqi mensubi yen junshu isimlik xitay  puqrasi bélgiye teripidin amérika qoshma ishtatlirigha tapshurup bérilgen.

bayanatta tekitlinishiche, bu dölet tarixida tunji qétim chet elde yashawétip jasusluq bilen eyiblengen birining amérika qoshma ishtatlirigha tapshurup bérilishi iken.

amérika qoshma ishtatliri dölet xewpsizlik ishliri muawin bash katipi jon démérsningmu sözlirige orun bérilgen bayanatta yene, mundaq déyildi: «bu alahide bir ehwalmu emes, chünki bu xitayning amérika qoshma ishtatlirigha qarshi yolgha qoyuwatqan iqtisadiy siyasitining bir qismi. bashqa uluslarning sermayimiz we eqil parasitimizning méwilirini oghrilishigha hergizmu yol qoymaymiz, shuning bilen bir waqitta, bashqa döletlerning bizning menpeetlirimizge buzghunchiliq qilishigha esla yol qoymaymiz.»

ötken heptimu amérika qoshma ishtatliri muawin pirézidénti mayk péns xitay dölet xewpsizlik organlirini amérika téxnologiyesini oghrilash bilen eyibligenidi.


خەتكۈچ: bélgiye , amérika , xitay , jasusluq

مۇناسىۋەتلىك خەۋەرلەر