җасуслуқ билән әйибләнгән хитай америкиға тапшуруп берилди

америка қошма иштатлири әдлийә министирлиқи хитайға иқтисадий җасуслуқ қилиш вә америка авийатсийә ширкәтлириниң содиға алақидар сирлирини оғрилаш билән әйибләватқан бир хитайни белгийәдин тапшурувалди.

җасуслуқ билән әйибләнгән хитай америкиға тапшуруп берилди

түркийә авази радийоси хәвири: америка қошма иштатлири әдлийә министирлиқи тәрипидин бу һәқтә елан қилинған йазма байанатта әскәртилишичә, хитайға иқтисадий җәһәттин җасуслуқ қилиш билән әйиблинип белгийәдә тутулған хитай җамаәт хәвпсизлики министирлиқи мәнсуби йән җуншу исимлик хитай  пуқраси белгийә тәрипидин америка қошма иштатлириға тапшуруп берилгән.

байанатта тәкитлинишичә, бу дөләт тарихида тунҗи қетим чәт әлдә йашаветип җасуслуқ билән әйибләнгән бириниң америка қошма иштатлириға тапшуруп берилиши икән.

америка қошма иштатлири дөләт хәвпсизлик ишлири муавин баш катипи җон демерсниңму сөзлиригә орун берилгән байанатта йәнә, мундақ дейилди: «бу алаһидә бир әһвалму әмәс, чүнки бу хитайниң америка қошма иштатлириға қарши йолға қойуватқан иқтисадий сийаситиниң бир қисми. башқа улусларниң сәрмайимиз вә әқил параситимизниң мевилирини оғрилишиға һәргизму йол қоймаймиз, шуниң билән бир вақитта, башқа дөләтләрниң бизниң мәнпәәтлиримизгә бузғунчилиқ қилишиға әсла йол қоймаймиз.»

өткән һәптиму америка қошма иштатлири муавин пирезиденти майк пенс хитай дөләт хәвпсизлик органлирини америка технологийәсини оғрилаш билән әйиблигәниди.



مۇناسىۋەتلىك خەۋەرلەر