«F-35B» tipliq ayropilanlarning meshiq uchushi waqitliq toxtitildi

ötken hepte amérikaning jenubiy karolina ishtatida «F-35B» tipliq urush ayropilanining chüshüp ketkendin kéyin, amérika we bashqa döletlerge tewe «F-35» ayropilanlirining uchushi waqitliq toxtitildi.

«F-35B» tipliq ayropilanlarning meshiq uchushi waqitliq toxtitildi

türkiye awazi radiyosi xewiri: birleshme taaruz pirogrammisi bayanatchisi jo déllawédowa: «barliq F-35 ayropilanlirining yéqilghu yolliri tekshürülüwatidu. amérika we ittipaqdashlirining F-35 uchushliri waqitliq toxtitildi» dédi.

u mezkur qararning, 28-séntebir jenubiy karolina ishtatining béfort etrapida chüshüp ketken «F-35B» ayropilanini tekshürüshte bayqalghan mesililer seweblik chiqirilghanliqini bildürdi.

u: «mesile körülgen yéqilghu turubiliri ornitilghan ayropilanlarning zapchasliri almashturulidu. yéqilghu turubilirida mesile körülmigen ayropilanlar qayta uchushni bashlaydu. tekshürüshlerning aldimizdiki 48-24 saet ichide axirlishidu» dédi.

28-séntebir jenubiy karolina ishtatigha jaylashqan déngiz armiye quruqluq qismining béfort herbiy bazisidin kökke kötürülgen bir «F-35B» ayropilani, bazigha sekkiz kilométir qalghan chüshüp ketken idi.

mezkur weqening «F-35» ayropilanlirida körülgen tunji  hadise ikenliki,  tik uchalaydighan we tik qonalaydighan «F-35B» ayropilanida nurghun téxnikiliq mesililerning barliqi  eskertilmekte.

2016-yili öktebirdimu oxshash bazidin kökke kötürülgen «F-35B» ayropilanining motorida kashila körülgen bolup, uchquchi bazigha qonup, ayropilanning chüshüp kétishidin saqlinip qalghan idi.

amérika armiyesining «F-35B» ayropilani ötken ay afghanistandiki taliban nuqtisigha qilinghan hujumda tunji qétim ishlitilgen idi.



مۇناسىۋەتلىك خەۋەرلەر