«F-35B» типлиқ айропиланларниң мәшиқ учуши вақитлиқ тохтитилди

өткән һәптә американиң җәнубий каролина иштатида «F-35B» типлиқ уруш айропиланиниң чүшүп кәткәндин кейин, америка вә башқа дөләтләргә тәвә «F-35» айропиланлириниң учуши вақитлиқ тохтитилди.

«F-35B» типлиқ айропиланларниң мәшиқ учуши вақитлиқ тохтитилди

түркийә авази радийоси хәвири: бирләшмә тааруз пирограммиси байанатчиси җо деллаведова: «барлиқ F-35 айропиланлириниң йеқилғу йоллири тәкшүрүлүватиду. америка вә иттипақдашлириниң F-35 учушлири вақитлиқ тохтитилди» деди.

у мәзкур қарарниң, 28-сентәбир җәнубий каролина иштатиниң бефорт әтрапида чүшүп кәткән «F-35B» айропиланини тәкшүрүштә байқалған мәсилиләр сәвәблик чиқирилғанлиқини билдүрди.

у: «мәсилә көрүлгән йеқилғу турубилири орнитилған айропиланларниң запчаслири алмаштурулиду. йеқилғу турубилирида мәсилә көрүлмигән айропиланлар қайта учушни башлайду. тәкшүрүшләрниң алдимиздики 48-24 саәт ичидә ахирлишиду» деди.

28-сентәбир җәнубий каролина иштатиға җайлашқан деңиз армийә қуруқлуқ қисминиң бефорт һәрбий базисидин көккә көтүрүлгән бир «F-35B» айропилани, базиға сәккиз километир қалған чүшүп кәткән иди.

мәзкур вәқәниң «F-35» айропиланлирида көрүлгән тунҗи  һадисә икәнлики,  тик учалайдиған вә тик қоналайдиған «F-35B» айропиланида нурғун техникилиқ мәсилиләрниң барлиқи  әскәртилмәктә.

2016-йили өктәбирдиму охшаш базидин көккә көтүрүлгән «F-35B» айропиланиниң моторида кашила көрүлгән болуп, учқучи базиға қонуп, айропиланниң чүшүп кетишидин сақлинип қалған иди.

америка армийәсиниң «F-35B» айропилани өткән ай афғанистандики талибан нуқтисиға қилинған һуҗумда тунҗи қетим ишлитилгән иди.



مۇناسىۋەتلىك خەۋەرلەر