америка бу йил 55 милйард долларлиқ қорал - йарағ сатти

америка қошма иштатлириниң бу йил чәт дөләтләргә 55 милйард долларлиқ қорал сатқанлиқи билдүрүлди.

америка бу йил 55 милйард долларлиқ қорал - йарағ сатти

түркийә авази радийоси хәвири: америка мудапиә вә хәвпсизлик һәмкарлиқи агентлиқи, америка қошма иштатлириниң 2018 – йили чәт дөләтләргә сатқан һәрбий әслиһәлириниң бир алдинқи йилға селиштурғанда %33 ешип 55 милйард 660 милйон долларға йәткәнликини уқтурди.

америка мудапиә вә хәвпсизлик һәмкарлиқи агентлиқиниң бу һәқтики байанатида, мәзкур пулниң 47 милйард 710 милйон доллириниң қорал сетивалған чәт дөләтләр тәрипидин төләнгәнлики, қалған қисминиң 3 милйард 520 милйон доллириниң америка ташқи ишлар министирлиқи, 4 милйард 420 милйон доллириниң америка мудапиә министирлиқи тәрипидин «сиртқа һәрбий йардәм қилиш пилани» даирисидә берилгәнлики әскәртилди.

америка қошма иштатлири 2017 – йили сиртқа 41 милйард 930 милйон долларлиқ һәрбий әслиһә сатқаниди.


خەتكۈچ: қорал , америка

مۇناسىۋەتلىك خەۋەرلەر