putin nétanyahu bilen chüshürüwétilgen rusiye ayropilani toghrisida sözleshti

rusiye pirézidéntliq sariyi – krémil, pirézidént wiladimir putinning israiliye bash ministiri bunyamin nétanyahu bilen téléfonda körüshkenlikini uqturdi.

putin nétanyahu bilen chüshürüwétilgen rusiye ayropilani toghrisida sözleshti

türkiye awazi radiyosi xewiri: rusiye pirézidénti wiladimir putin ötken hepte süriyede chüshürüwétilgen rusiye ayropilani toghrisida toxtilip, «rusiye terep, tiragédiyening tüp sewebining israiliye hawa armiyesining heriketliri ikenlikidin ibaret heqiqetni chöridigen halda heriket qilmaqta» dédi.

rusiye pirézidéntliq sariyi – krémil, pirézidént wiladimir putinning israiliye bash ministiri bunyamin nétanyahu bilen téléfonda körüshkenlikini uqturdi؛ bayanatta, nétanyahu, rusiyening chüshüp ketken İL-20 tipliq ayropilanida jénidin ayrilghan eskerler üchün qayta teziye bildürgen téléfon söhbitide, weqe toghrisida bes – munazire qilinghanliqi qeyt qilindi.

bayanatta körsitilishiche, putin nétanyahugha «rusiye terep, tiragédiyening tüp sewebining israiliye hawa armiyesining heriketliri ikenlikidin ibaret heqiqetni chöridigen halda heriket qilmaqta» dégen.

bayanatta yene putinning, xelqara térrorizmgha qarshi küresh qiliwatqan rusiye eskerlirining hayatigha xewp yetküzgüsi tehidtlerni bir terep qilish üchün, süriyege hawa mudapiesining jeng qilish iqtidarini ilgharlashturushni qarar qilghanliqlirini tekitlep ötkenliki eskertildi.

rusiyening İL-20 tipliq herbiy ayropilani süriye hakimiyitining S-200 hawa mudapie sistémiliri teripidin chüshürüwétilgen؛ rusiye, israiliye F-16 urush ayropilanliri bu ayropilandin qalqan süpitide paydilanghanliqi üchün, İL-20 tipliq ayropilangha rakétamiyot tegkenlikini ilgiri sürgenidi.

israiliye hawa armiyesi qomandani amikom norkin we hemrahliqidiki bir heyet, rusiye hökümitini qayil qilish üchün ötken hepte moskwada ziyarette bolghanidi.

rusiye mudapie ministiri sérgéy shoygu, tünügün İL-20 tipliq ayropilanning chüshürüwétilishi toghrisida toxtilip, ikki hepte ichide süriyege S-300 tipliq bashqurulidighan bomba hawa mudapie sistémisi bérilidighanliqini uqturghanidi.



مۇناسىۋەتلىك خەۋەرلەر