madurogha qilinghan suyiqestning perde arqisi aydinglashmaqta

wénézuéla pirézidénti nikolas madurogha suyqest qilish urunishining arqisida 3 latin amérika döliti déplomatlirining rol oynighan bolushi mumkinliki ilgiri sürülmekte.

madurogha qilinghan suyiqestning perde arqisi aydinglashmaqta

 

türkiye awazi radiyosi xewiri: wénézuéla uchur alaqe ishliri ministirliqi mesuli jorg rodriguz paytext karakasta bergen bayanatida, golombiye, chili we méksika elchixanisida xizmet qiliwatqan xadimlarning suyiqestke urunghuchilargha ya yadem qilghanliqini weyaki yardem qilishni xalaydighanliqini éytqanliqini bildürdi.

jorg rodriguz suyqestqke urunushqa chétishliq nazaretke élinghanlardin birsining bayanatida, hujumning perde arqisida chili elchixanisining roli barliqini ima qilghanliqini, bashqilirining bolsa, kolobiyege yéqin jayda terbiyelengenliklirini étirap qilghanliqlirini qeyt qildi.

jorg rodriguz latin amérika dölet dairilini bu heqte tekshürüsh bashlashqa chaqiriq qilip, «nazarette tutup turiliwatqanlarning étiraplirini, méksika, chili we kolombiye tashqi ishlar ministirliqlirigha yollashqa teyyarmiz» dédi.

wénézuéla dairilirining aldinqi küni suyqestke urunush délosigha alaqidar yene 3 kishini nazaretke alghanliqi uqturuldi.

kolombiye, chili we méksika jorg rodriguzning eyibleshlirini ret qildi.

wénézuéla pirézidénti nikolas maduro aldinqi ay paytext karakasta bir murasimda nutuq sözlewatqan peytte partlatquch qachilanghan uchquchisiz apiratlar bilen hujum qilinghan idi.

hujumda pirézidént maduro yarilanmastin qutulup qalghan bolsimu, emma 7 esker yaridar bolghan idi.

özlirini «maykiliq eskerler» dep atishiwalghan bir guruppa tiwittérda élan qilghan uchurida, hujumning jawabkarliqini öz üstige alghan idi.



مۇناسىۋەتلىك خەۋەرلەر