süriyediki qoralliq öktichiler sochida hasil qilinghan idlib kélishimi toghrisida bayanat élan qildi

süriyelik öktichilerning eng chong herbiy qaniti hésablinidighan memliketlik erkinleshtürüsh fironti, türkiye bilen rusiye arisida hasil qilinghan idlib kélishimini qollaydighanliqlirini bildürdi.

süriyediki qoralliq öktichiler sochida hasil qilinghan idlib kélishimi toghrisida bayanat élan qildi

türkiye awazi radiyosi xewiri: erkin süriye armiyesi küchliridin teshkil tapqan memliketlik erkinleshtürüsh fironti, ijtimaiy taratqular arqiliq yazma bayanat élan qilip , idlib kélishimini qollaydighanliqini uqturdi. bayanatta, «jumhur reis rejep tayyip erdoghangha urushning aldini alghanliqi üchün rehmet éytimiz. sochi yighinida hasil qilinghan utuq, türkiye élip barghan diplomatik xizmetlerning mehsulidur» dégen ibarilerge orun bérildi.

xelqning bu kélishimdin memnun bolghanliqi eskertilgen bayanatta, «jüme küni ötküzülgen xelq namayishliri, kélishimning netijisini qollash mahiyitide idi» dégen yeküngimu orun bérildi.

bayanatta, «beshshar esed hakimiyitini aghdurup tashlash nishanidin waz kechmeymiz. shunga qoral tashlimaymiz. türkiye bilen hemkarliqimiz dawamlishidu. rusiye, iran we esed hakimiyitining rehimsizlerche hujumlirigha qarshi hoshyar turimiz» dégen ibarilergimu orun bérildi.

jumhur reis rejep tayyip erdoghan bilen rusiye pirézidénti wiladimir putin 17 – séntebirde rusiyening sochi shehiride, «idlib jiddiychilikni azaytish rayonidiki weziyetning turaqlashturulushi toghrisida kélishim» imzalighanidi.



مۇناسىۋەتلىك خەۋەرلەر