iranda yüz bergen qoralliq hujumda ölgenlerning sani köpeydi

iranning ahwaz shehiridiki herbiy parat jeryanida yüz bergen qoralliq hujumda ölgenlerning sani 24 ke yetti.

iranda yüz bergen qoralliq hujumda ölgenlerning sani köpeydi

türkiye awazi radiyosi xewiri: iranning gherbiy jenubidiki ahwaz shehiride ötküzülgen bir herbiy parat jeryanida  yüz bergen qoralliq hujumda  hayatidin ayrilghanlarning sani 24 ke yetti, 54 kishi yarilandi, zorawanlardin biri tirik qolgha chüshti, 3 i öltürüldi.

iran inqilabiy muhapizetchiler qismining bayanatchisi ramazan shérifning ilgiri sürüshiche, ahwaz shehiridiki herbiy parat jeryanida yüz bergen  qoralliq hujum seudi erebistan yardem bériwatqan elahwaziye teshkilati teripidin élip bérilghan.

iran tashqi ishlar ministiri jewad zarif ammiwi ortaqlishish tor béti Twitter sehipiside, bu heqte élan qilghan bayanatida, ahwaz shehiride yüz bergen qoralliq hujumning jawabkarlirining amérika qoshma ishtatliri bilen térrorizmning rayonluq qollighuchiliri ikenlikini tekitlep mundaq dédi: «nahayiti yaxshi terbiyelengen, qorallandurulghan we bir chet el hökümiti qollawatqan térrorchilar ahwaz shehirige hujum qildi. zorawanlar nariside balilar we zhurnalistnimu nishan qildi. bu qoralliq hujumning jawabkarliri amérika qoshma ishtatliri bilen térrorizmning rayonluq qollighuchiliridur. iran özini mudapie qilish mesiliside nahayiti téz we qetiy irade bilen tégishlik jawab qayturidu.»

iran weqedin kéyin iraq bilen bolghan eshshelame we eshshib chégra éghizlirini waqitliq taqidi.



مۇناسىۋەتلىك خەۋەرلەر