amérika xitaygha émbargo qoydi

amérika hökümiti rusiye bilen herbiy sahede hemkarliq ornatqan bir xitay orgini we bu organning bashliqigha émbargo qoyushni qarar qildi.

amérika xitaygha émbargo qoydi

türkiye awazi radiyosi xewiri: washingiton hakimiyiti rusiye we bu dölet bilen munasiwiti qoyuq bolghan xitaygha émbargo qoyushni qarar qildi

amérika tashqi ishlar ministirliqi rusiyede mudapie we istixbarat saheliride wezipe öteydighan 33 shexs we 3 organgha émbargo qoyushni qarar qildi.

ministirliq yéngi émbargolarni pirézidént donald trampning «émbargolar wastisi arqiliq amérikining düshmenlirige zerbe bérish»qanuni dairiside imzalighan pirézidéntliq qararnamisining rohigha asasen qoyghanliqini bildürdi.

bayanatchi hétér nawurt bu heqte yazma bayanat bérip, amérika hökümiti rusiye fédratsiyesining herbiy we istixbarat saheliride wezipe öteydighan 30 shexs we 3 organni « émbargolar wastisi arqiliq amérikining düshmenlirige zerbe bérish »qanuning 231-maddisidiki  «alahide békitilgen kishiler»tizimlikige kirgüzgenlikini uqturdi.

mezkur tizimlikke kirgüzülgen shexs yaki organlar bilen buningdin kéyin hemkarliq ornatqan shexs yaki organlargha amérika hökümiti émbargo qoyidu.

buningdin sirt, amérika tashqi ishlar ministirliqi yene rusiye fédratsiyesi bilen herbiy sahede hemkarliq ornatqan xitaygha tewe bir organ we organning bashliqinimu émbargo tizimlikige kirgüzdi.

amérika mejliside bultur iyulda maqullanghan « émbargolar wastisi arqiliq amérikining düshmenlirige zerbe bérish»qanuni, rusiyening ukrainagha mudaxile qilishi we amérika pirézidéntliq saylimigha arilishishi sewebidin moskwa hökümitige émbargo qoyushqa qanuniy asas yaritip bergenidi.


خەتكۈچ: rusiye , xitay , amérika

مۇناسىۋەتلىك خەۋەرلەر