алибаба гуруһи башлиқи ма йүн трампқа бәргән вәдисидин йенивалди

алибаба гуруһи башлиқи ма йүн доналд трампқа америкида 1 милйон кишигә иш пуристи йаритиш бериш тоғрисида бәргән вәдисини орундийалмайдиғанлиқини билдүрди.

алибаба гуруһи башлиқи ма йүн трампқа бәргән вәдисидин йенивалди

түркийә авази радийоси хәвири: америка билән хитай арисидики сода урушиниң америкида 1 милйон кишигә иш пурсити йаритип бериш пурситиниң йоқ болушиға сәвәб болғанлиқи билдүрүлди.

шинхуа агентлиқиниң бу һәқтики хәвиридә, електронлуқ сода тор бекити алибабаниң қурғучиси ма йүн, икки йил бурун америка пирезиденти доналд трамп билән көрүшкәндә  «америкада 1 милйон кишигә иш пурсити йаритип беримән»дәп вәдә бәргәнликини, лекин һазир бу вәдисини орундийалмайдиғанлиқини билдүргәнлики әскәртилди.

америка билән хитай арисида қозғалған сода урушиниң өзиниң трампқа бәргән вәдисини орундийалмайдиған һаләткә кәлтүрүп қойғанлиқини ейтқан ма йүн: өз вақтида америка билән дөлитим арисида сода уруши йүз беридиғанлиқини пәмилийәлмигән икәнмән, һазир әһвал өзгәрди, бурунқи әһвал йоқ, деди.

май йүн йәнә сода урушиниң 20 йил давамлишиш еһтимали барлиқини илгири сүрүп, инсанларниң буниңға идийә җәһәттин тәййарлиқ қилиши керәкликини ейтти.

хитай бойичә әң чоң байлардин бири болған май йүн, икки һәптә илгири алибаба гуруһиниң тәшкилий һәйәт башлиқлиқ вәзиписидин истепа бәргәнликини,лекин алибабаниң иҗраийә башлиқлиқ вәзиписини давамлаштуридиғанлиқини билдүргәниди.



مۇناسىۋەتلىك خەۋەرلەر