иран, түркийә билән русийәниң идлибқа алақидар келишими тоғрисида байанат бәрди

иран ташқи ишлар министири муһәммәд җәвад зәриф, актип дипломатийәниң сүрийәниң идлиб районидики урушниң алдини алғанлиқини әскәртти.

иран, түркийә билән русийәниң идлибқа алақидар келишими тоғрисида байанат бәрди

түркийә авази радийоси хәвири: иран ташқи ишлар министири зәриф, түркийә билән русийә арисида һасил қилинған идлибта қоралсизландурулған район бәрпа қилиш тоғрисидики келишим һәққидә твиттер адреси арқилиқ байанат берип, 7 – сентәбирдә иранниң пайтәхти теһранда чақирилған түркийә – русийә – иран үч тәрәп башлиқлар йиғининиң вә түнүгүн русийәниң сочи шәһиридә җумһур рәис рәҗәп таййип әрдоғанниң русийә пирезиденти виладимир путин билән өткүзгән учришишиниң, шундақла актип дипломатийәниң идлибтики урушниң алдини алғанлиқини вә дипломатийәниң күчини көрсәткәнликини билдүрди.

иран ташқи ишлар министирлиқи байанатчиси бәһрам қасимиму йазма байанат елан қилип, түркийә билән русийәниң идлибқа алақидар қарариға иҗабий баһа беридиғанлиқлирини билдүрүп, сочида чиқирилған қарарниң сүрийәдики қалдуқ террорчиларниң пүтүнләй йоқитилиши йолида ташланған муһим бир қәдәм икәнликини вә униң сийасий мусапигә һәссә қошуш еһтимали барлиқини қәйт қилди.

қан вә һәр түрлүк зораванлиққа хатимә берилиши вә идлибниң террорчилардин халийлаштурулушиниң иран ташқи сийаситиниң түп пиринсиплириниң бири икәнликини билдүргән қасими, сочидики йиғинниң инсаний амилларниму нәзәргә алған һалда сүрийәдики тинчлиқниң үзүл – кесил һаләткә айлинишиға йардәмчи болуш еһтимали барлиқини қәйт қилди.



مۇناسىۋەتلىك خەۋەرلەر