хитай америкиға тегишлик җаваб қайтурулидиғанлиқини билдүрди

хитай һөкүмити америкиниң хитай маллириға қошумчә таможна беҗи йолға қойуш қарариға тегишлик җаваб қайтурулидиғанлиқини билдүрди.

хитай америкиға тегишлик җаваб қайтурулидиғанлиқини билдүрди

түркийә авази радийоси хәвири: хитай һөкүмити америкиниң 200 милйард доллар қиммитидики хитай маллириға%10  қошумчә таможна беҗи қойуш қарариға тегишлик җаваб қайтурулидиғанлиқини билдүрди.

хитай сода министирлиқи тәрипидин бу һәқтә елан қилинған байанатта «америка даирилириниң хәлқараниң наразилиқиниң әксичә 24-сентәбирдә 200 милйард доллар қиммитидики хитай маллириға %10қошумчә таможна беҗи йолға қойушни вә қошумчә тәдбирләр елинидиғанлиқини елан қилиши»әслитип өтүлүп мундақ дейилди: «бу әһвалдин толиму әпсусландуқ, өзимизниң һәқ-һоқуқи вә мәнпәәтимиз билән хәлқара әркин сода түзүмини қоғдаш үчүн америкиниң бу  қарариға тегишлик җаваб қайтуримиз.»

америкиниң хитай маллириға қошумчә таможна беҗи қойушни қарар қилишиниң икки дөләт арисида давамлишиватқан музакириләрни ениқсиз һаләткә елип кәлгәнлики әскәртилгән байанатта муну җүмлиләргә орун аҗритилди: «америка һөкүмити бундақ әһвалларниң еғир ақивәтләрни кәлтүрүп чиқиридиғанлиқини тонуп йетиши керәк.»

байанатта йәнә вашингитон һөкүмитиниң хитай маллириға қошумчә таможна беҗи йолға қойуштин ибарәт хаталиқини вақтида түзитиши керәкликиму алаһидә тәкитләнди.

 пирезидент доналд трамп бүгүн америка сода министирлиқиға хитай маллириға йәнә бир қошумчә таможна беҗи бәлгимиси йолға қойушқа йолйуруқ чүшүргәниди. 

доналд трамп бу йолйуруқида тәхминән 200 милйард доллар қиммитидики хитай маллириға%10  қошумчә таможна беҗи бәлгилимисиниң 24-сентәбирдә йолға қойулидиғанлиқини вә буниң мушу йилниң ахирғичә давамлишидиғанлиқини,  2019-йил 1-йанвардин башлап  болса қошумчә таможна беҗиниң %25 ашурулидиғанлиқини ейтқаниди.


خەتكۈچ: америка , хитай

مۇناسىۋەتلىك خەۋەرلەر