«йавропа иттипақи дөләтлири чегралирини қаттиқ қоғдиши керәк»

германийә вә австрийә баш министирлири йавропа иттипақи дөләтлириниң чегралирини қоғдашқа әһмийәт бериши лазимлиқини әскәртишти.

«йавропа  иттипақи дөләтлири чегралирини қаттиқ қоғдиши керәк»

түркийә авази радийоси хәвири: германийә баш министири ангела меркел, йавропа иттипақиниң чегралирини қоғдашқа әһмийәт бериши лазимлиқини ейтти.

меркел пайтәхт берлинда йавропа иттипақи нөвәтчи рәислик вәзиписини өтәватқан австрийә баш министири себастийан курз билән көрүшүштин илгири мухбирларни күтүвелиш йиғини өткүзди.

австрийәниң салзбург шәһиридә чаршәнбә вә пәйшәнбә күни ғәйри рәсмий йавропа иттипақи алий рәһбәрләр йиғининиң өткүзүлидиғанлиқини вә һазирқи йиғинда болса австрийәлик мәнсәбдеши билән алий рәһбәрләр йиғинида музакирә қилинидиған мәсилиләр үстидә көрүшидиғанлиқлирини ейтқан меркел, алий рәһбәрләр йиғинида әң муһим мәсилиниң көчмәнләр мәсилиси икәнликини  әскәртти.

«ташқи чегралиримизни қоғдашқа әһмийәт беришимиз керәк»дегән меркел, бу мәсилидә йавропа иттипақи комитети башлиқи җен-клавуд җункерниң өткән һәптә йавропа парламентида қилған сөзидә тәклип-пикирләр оттуриға қойуп алқишқа еришкәнликини ейтти.

алий рәһбәрләр йиғинида африқа дөләтлири билән һәмкарлиқ орнитиш мәсилисиниңму музакирә қилинидиғанлиқини ейтқан меркел, йавропа иттипақи дөләтлириниң африқа сийаситигә актип позитсийә тутуши лазимлиқини билдүрди.

австрийә баш министири куртзму алий рәһбәрләр йиғинида әнглийәниң йавропа иттипақидин айрилип чиқиши  вә көч мәсилисиниң алаһидә музакирә қилинидиғанлиқини әскәртти.

җункерниң йавропа иттипақиға қарашлиқ чеграларни қоғдаш агентлиқиниң һоқуқини күчәйтиш тәклипини оттуриға қойғанлиқини ейтқан курз: җункерниң тәклипини қоллишимиз керәк, деди.

буниңдин сирт бу йил декабирда африқа алий рәһбәрләр йиғини чақирилидиғанлиқини ейтқан курз, йиғинда ноқул көчмәнләр мәсилисиниң музакирә қилинмайдиғанлиқини, африқа дөләтлири билән иқтисадий саһәдә һәмкарлиқ мунасивити орнитишни пиланлиғанлиқлирини тәкитләп өтти.

әнглийәниң йавропа иттипақидин айрилип чиқиш мәсилисидә меркел билән охшаш қарашқа игә икәнликини ейтқан курз мундақ деди: «бу мәсилидә ашқунлуқниң йүз беришигә тосалғу болушимиз керәк.»

икки баш министири ғәйрий рәсмий йавропа иттипақи алий рәһбәрләр йиғинида конкрет қарарларниң чиқирилмайдиғанлиқини алаһидә әскәртишти.



مۇناسىۋەتلىك خەۋەرلەر