amérika bir xitay shirkitini émbargo tizimlikige kirgüzdi

amérika hökümiti shimaliy koréye hökümiti bilen qoyuq munasiwiti barliqini ilgiri sürüp, xitaydiki bir shirket bilen we rusiyede paaliyet qiliwatqan yene bir shirketni émbargo tizimlikige kirgüzdi.

amérika bir xitay shirkitini émbargo tizimlikige kirgüzdi

türkiye awazi radiyosi xewiri: amériki xezine ishliri ministirliqidin élan qilinghan yazma bayanatta, merkizi xitayda turushluq «Yanbian Silverstar Network Technology» namliq shirket bilen merkizi rusiyede turushluq «Volasys Silver Star» namliq shirketke shimaliy koréye hökümiti bilen munasiwiti barliqi tüpeylidin émbargo yürgüzilidighanliqini uqturuldi.

«Yanbian Silverstar Network Technology» namliq xitay shirkitining tégi shimaliy koréyelik xojayini jong song xiwaningmu émbargo yürgüzülgen kishiler tizimlikige kirgüzülgenliki eskertildi.

bayanatta, «China Silver Star» depmu tonulghan xitay shirkitining uchur - téxnika saheside paaliyet qilidighanliqi we milyonlighan dollarliq kirimi barliqi heqqidiki melumatlargha orun ajritildi.

«China Silver Star» depmu tonulghan xitay shirkitining bir xadimi teripidin rusiyede quwrulghan «Volasys Silver Star» namliq shirketke xitaydin yötkep orunlashturulghan shimaliy koréyelik xadimlarning bir yildinmu az waqit ichide yüz mingilghan dollar tapawet qilghanliqi ilgiri sürülgen bayanatta yene, qeghez yüzide rusiye puqrasi teripidin idare qilniwatqandek körünidighan bu shirketning eslide shimaliy koréye bilen qoyuq munasiwiti bolghandin sirt, shimaliy koréye puqralini ishletkenliki üchün émbargo tizimlikige kirgüzülgenliki uqturuldi.

émbargo tizimlikide orun alghan shexslerning amérikidiki mal mülki tonglitip qoyulidu we amérika shirketliri bilen soda munasiwiti ornitishi cheklinidu.

 


خەتكۈچ: émbargo , xitay , amérika

مۇناسىۋەتلىك خەۋەرلەر