америка бир хитай ширкитини ембарго тизимликигә киргүзди

америка һөкүмити шималий корейә һөкүмити билән қойуқ мунасивити барлиқини илгири сүрүп, хитайдики бир ширкәт билән вә русийәдә паалийәт қиливатқан йәнә бир ширкәтни ембарго тизимликигә киргүзди.

америка бир хитай ширкитини ембарго тизимликигә киргүзди

түркийә авази радийоси хәвири: америки хәзинә ишлири министирлиқидин елан қилинған йазма байанатта, мәркизи хитайда турушлуқ «Yanbian Silverstar Network Technology» намлиқ ширкәт билән мәркизи русийәдә турушлуқ «Volasys Silver Star» намлиқ ширкәткә шималий корейә һөкүмити билән мунасивити барлиқи түпәйлидин ембарго йүргүзилидиғанлиқини уқтурулди.

«Yanbian Silverstar Network Technology» намлиқ хитай ширкитиниң теги шималий корейәлик хоҗайини җоң соң хиваниңму ембарго йүргүзүлгән кишиләр тизимликигә киргүзүлгәнлики әскәртилди.

байанатта, «China Silver Star» дәпму тонулған хитай ширкитиниң учур - техника саһәсидә паалийәт қилидиғанлиқи вә милйонлиған долларлиқ кирими барлиқи һәққидики мәлуматларға орун аҗритилди.

«China Silver Star» дәпму тонулған хитай ширкитиниң бир хадими тәрипидин русийәдә қуврулған «Volasys Silver Star» намлиқ ширкәткә хитайдин йөткәп орунлаштурулған шималий корейәлик хадимларниң бир йилдинму аз вақит ичидә йүз миңилған доллар тапавәт қилғанлиқи илгири сүрүлгән байанатта йәнә, қәғәз йүзидә русийә пуқраси тәрипидин идарә қилниватқандәк көрүнидиған бу ширкәтниң әслидә шималий корейә билән қойуқ мунасивити болғандин сирт, шималий корейә пуқралини ишләткәнлики үчүн ембарго тизимликигә киргүзүлгәнлики уқтурулди.

ембарго тизимликидә орун алған шәхсләрниң америкидики мал мүлки тоңлитип қойулиду вә америка ширкәтлири билән сода мунасивити орнитиши чәклиниду.

 



مۇناسىۋەتلىك خەۋەرلەر