йавропа иттипақи ихван әзалириға өлүм җазаси берилгәнликигә наразилиқ билдүрди

йавропа иттипақи мисир сот мәһкимисиниң мусулман қериндашлар тәшкилати әзаси 75 кишигә бәргән наһәқ өлүм җазасиға наразилиқ билдүрди.

йавропа иттипақи ихван әзалириға өлүм җазаси берилгәнликигә наразилиқ билдүрди

 

түркийә авази радийоси хәвири: йавропа иттипақи мисирда мусулман қериндашлар тәшкилати әзаси 75 кишигә берилгән наһәқ өлүм җазаси һәққидә тохтилип, гумандарларниң адил сот қилиниш һоқуқиниң дәпсәндә қилинғанлиқиға даир күчлүк гуман барлиқини билдүрди.

йавропа комитети байанатчиси маҗа коҗайанҗиҗ елан қилған йазма байанатида, һәр қандақ әһвалда өлүм җазасиға қарши икәнликини әскәртип, «йәнә келип, бу делониң әһвали, усулиға уйғун болмиғанлиқи, болупму гумандарларниң адил сот қилинш һоқуқиниң дәпсәндә қилинғанлиқиға даир күчлүк гуманларниң барлиқи рас» дейиш арқилиқ мисирни агаһландурди.

мисирда сот мәһкимиси 8синтәбир күни рабиә мәйданини бошитиш вәқәлири делосиға четишлиқ сот қилған вә рабиәтул әдвийә майданида 2013йили йүз бәргән қанлиқ һуҗумда, 17 йашлиқ қизи әсма шеһит қилинған мусулман қериндашлар тәшкилати рәһбәрлиридин муһәммәд әлбатаҗиниму өз ичигә алған 75 кишигә өлүм җазаси қарари мақуллиған вә мәһкиминиң қарари үстидин йуқири сотқа әрз қилиш йолиниңму очуқ икәнликини елан қилған иди.

мисирда демократик йол билән хәлқ тәрипидин сайланған тунҗи пирезидент муһәммәд мурсиниң 2013йили 3ийулдики һәрбий өзгириш арқилиқ ағдурувитлишигә қарши рабиә мәйданида намайишлар башланған вә 2013йили 14 - авғустқичә давамлашқан иди.

мисир аманлиқни сақлаш қисимлириниң 2013йили 14 - авғуст күни әтигәндә намайиш мәйданиға қанлиқ бир шәкилдә мудахилә қилиши сәвәбидин рәсмий санлиқ мәлуматларға асасланғанда, 8 сақчини қошқанда җәмий 632 киши өлтүрүлгән иди.

вәқәгә четишлиқ делода мусулман қериндашлар тәшкилати рәһбәрлири қатарлиқ мисирда көзгә көзгә көрүнгән шәхсләрдин 300 мәһкум вә 739 нәпәр гумандар сот қилинмақта. 



مۇناسىۋەتلىك خەۋەرلەر