ирақта бир ресторан қанға бойалди

ирақниң салаһаддин вилайитидики бир ресторан қанға бойалди.

ирақта бир ресторан қанға бойалди

түркийә авази радийоси хәвири: ирақниң салаһаддин вилайитидики бир ресторан һуҗумға учрап 5 адәм өлди, 32 адәм йариланди.

бихәтәрлик тармақлири салаһаддин шәһәр мәркизиниң шималиға җайлашқан һаҗҗаҗ наһийәсидики бир ресторанниң һуҗумға учриғанлиқини билдүрди.

ирақ сәһийә министирлиқи байанатчиси сәйф әл бәдир бу һәқтә бәргән байанатида 5 адәмниң өлүп 32 адәмниң йариланғанлиқини ейтти.

хәвпсизлик тармақлири тәрипидин «өлүм үч булуңи»дәп тәриплинидиған кәркүк-салаһаддин-дийала вилайәтлири арисидики бу районда пат-пат террорлуқ һуҗумлири йүз берип туриду.

ирақ армийәси 2014-йили ийунда террорлуқ тәшкилати даешниң чаңгилиға чүшкән салаһаддин вилайитиниң һәммисини дегүдәк 2015-йилниң ахирида қайтуруп алғаниди.


خەتكۈچ: даеш , ирақ

مۇناسىۋەتلىك خەۋەرلەر