amérika idlibqa 100 din artuq hawa hujumi qilinghanliqini bildürdi

amérikaning b d t da turushluq daimiy wekili nikki haléy rusiye bilen beshshar esed hakimiyitining idlibqa 100 qétimdin artuq hawa hujumi qilghanliqini élan qildi.

amérika idlibqa 100 din artuq hawa hujumi qilinghanliqini bildürdi
idlibqa 100 qétimdin artuq hawa hujumi qilinghan
idlibqa 100 qétimdin artuq hawa hujumi qilinghan

amérikaning b d t da turushluq daimiy wekili nikki haléy rusiye bilen beshshar esed hakimiyitining idlibqa 100 qétimdin artuq hawa hujumi qilghanliqini élan qildi.

türkiye awazi radiyosi xewiri: b d t xewpsizlik kéngishi rusiyening telipige binaen, türkiye jumhur reisi rejep tayyip erdoghan, rusiye pirézidénti wladimir putin we iran pirézidénti hesen ruhanining 7-séntebir (jüme) emelgen ashurghan üch terep yighinining xitabnamisini hemde idlibning nöwettiki weziyitini muzakire qilish üchün toplandi.

amérikaning b d t da turushluq daimiy wekili nikki haléy: «rusiye, iran we beshshar esed hakimiyitining siyasiy hel qilish charisi bilen kari yoq, türkiye ötken hepte buni bildi, idlibta urush toxtitishni telep qildi, biraq rusiye bilen iran türkiyening bu teklipini qobul qilmidi» dédi.

rusiyening b d t da turushluq daimiy wekili wassily nébénziya xewpsizlik kéngishige téhran yighinining netijiliri toghrisida melumat berdi.

wassily nébénziya idlibte onminglarche el nusra we térrorluq teshkilati daésh ezalirining barliqini eskertip, rusiye, türkiye we iranning pütkül süriye miqyasida térrorluqning qalduqlirini tazilashta oxshash pikirge ige ikenliklirini bildürdi.

wassily nébénziya süriye kirizisini siyasiy yol bilen qilishtin bashqa yolning yoqluqini eskertip, mundaq dédi:

«siyasiy hel qilishqa qarar qilghan qoralliq öktichilerni derhal térroristlardin ayrishqa éhtiyajliqmiz, buni xelqaraliq jemiyetning barliq ezalirigha chaqiriq qilimiz.»

u üch kapalet bergüchi dölet wekillirining b d t ning süriye alahide wekili démistura bilen asasiy qanun komitétini eng qisqa waqit ichide jenwede qurush üchün muzakire ötküzgenlikini bildürdi.

téhran yighinida süriyeni qayta qurush ishliriningmu muzakire qilinghanliqini, shert-sharaitlarning buninggha muwapiq ikenlikini éytqan wassily nébénziya, insanperwerlik yardemliri yetküzüsh, minalarni tazilash we ul-eslihelerni qaytidin bina qilishqa éhtiyaj barliqini, biraq gherbning mezkur mesililerde «siyasiy oyun» oynawatqanliqini qeyt qildi.

wassily nébénziya süriyelik musapirlarning yurt-makanlirigha qaytishiningmu muzakire qilinghan mesililer qataridin orun alghanliqini bildürüp, mundaq dédi:

«hemmige melum bolghinidek, beshshar esed hakimiyiti kapalet berdi. süriyelik musapirlarning qaytishi üchün türkiye we iran bilen xelqaraliq konférans ötküzüshni pilan qiliwatimiz.»

wassily nébénziya axirida, üch döletning kéyinki yighinni rusiyede ötküzidighanliqini sözlirige ilawe qildi.



مۇناسىۋەتلىك خەۋەرلەر