engliye: jumhur reis erdoghangha pütünley qoshulimiz

karén piérs, jumhur reis erdoghanning wal sitrit jurnal gézitide élan qilinghan süriyening idlib rayonigha alaqidar maqalisige isharet qilghan halda, «jumhur reis erdoghangha pütünley qoshulimiz» dégenlerni qeyt qildi.

engliye: jumhur reis erdoghangha pütünley qoshulimiz

türkiye awazi radiyosi xewiri: engliyening birleshken döletler teshkilati (b d t) da turushluq daimiy wekili karén piérs, jumhur reis erdoghanning wal sitrit jurnal gézitide élan qilinghan süriyening idlib rayonigha alaqidar maqalisige isharet qilghan halda, «jumhur reis erdoghangha pütünley qoshulimiz» dédi.

b d t  xewpsizlik kéngishi rusiyening telipige asasen, jumhur reis rejep tayyip erdoghan, rusiye pirézidénti wiladimir putin we iran pirézidénti hesen ruhanining jüme küni téhranda chaqirghan bashliqlar yighinining xulasisi we idlibtiki özgirishlerni muhakime qilish meqsitide yighin chaqirdi.

engliyening b d t da turushluq daimiy wekili karén piérs yighinda söz qilip, «esed hakimiyiti we rusiyening idlibqa hujum qilishi yaki türkiyening térrorchilarni perqlendürüp ulargha qarshi küresh qilishidin ibaret ikki ishtin birini tallishimiz kérek. türkiyening idlibqa alaqidar bir pilani bar؛ <öktichiler térrorchilargha qarshi küresh qiliwatqanda hakimiyet ulargha hujum qilmaydu> kéngesh bu heqte sözlishishi kérek» dédi.

karén piérs, jumhur reis erdoghanning wal sitrit jurnal gézitide élan qilinghan süriyening idlib rayonigha alaqidar maqalisige isharet qilghan halda, «jumhur reis erdoghangha pütünley qoshulimiz» dégenlerni qeyt qildi.

amérika qoshma ishtatlirining b d t da turushluq daimiy wekili nikki héléymu, rusiye we esed hakimiyitining idlibtiki hujumlirida waril bombiliri we rakétamiyotlarni ishletkenliikni, doxturxanilarning hujum nishani qilinghanliqini eskertip, «shepqetsizlerche qosh zerbilik hujumlarni qilmaqta؛ hakimiyet küchliri bir rayonni bombardiman qilidu, andin deslepki yardem bergüchiler kelgüche bir az kütüp turup, qayta hujum qilidu. bu kespiy eskerlik emes, köngülni ghesh qilidighan térrorchi taktikisidur» dédi.

nikki héléy, rusiyening süriyede tinchliq ornitish mesiliside waqtini zaya qilmasliqi kéreklikini tilgha élip, «rusiye we iran, süriyede ijabiy aktiyorlar süpitide ishenchliklikini namayan qilish üchün her türlük pursetke ige idi, biraq, bu pursetlerge néme boldi? özliri hasil qilghan atalmish toqunushtin xaliylashturulghan rayon kélishimige külkilik we sistémiliq halda xilapliq qildi» dégenlerni qeyt qildi.

héléy, rusiyening idlibtiki pajiening aldini élishqa qurbi yétidighanliqini tekitlep, «idlibqa qilinidighan herqandaq bir hujum jiddiychilikni ulghaytiwétidu. esed, rusiye we iran bu yolda méngishni dawamlashtursa, aqiwet qorqunchluq bolidu we dunya ularni buning jawabkari, dep qaraydu» dédi.



مۇناسىۋەتلىك خەۋەرلەر