nangarharda meydangha kelgen adem bomba hujumida jénidin ayrilghanlar sani 68 ge yetti

afghanistanning sherqiy qismigha jaylashqan nangarhar wilaytide tünügün chüshte meydangha kelgen adem bomba hujumida ölgenler sanining 68 ge yetkenliki, yarilanghanlar sanining 168 ikenliki bildürüldi.

nangarharda meydangha kelgen adem bomba hujumida jénidin ayrilghanlar sani 68 ge yetti

türkiye awazi radiyosi xewiri: nangarhar wilayetlik sehiye ishliri mudirliqining bayanatchisi emanullah miyahil, bir adem bomba hujumchisining déhkai rayonida hökümetke qarshi namayish ötküzüwatqanlarning arisigha soqunup kiriwalghandin kéyin bedinige téngiwalghan bombini partlatqanliqini, partlashta yarilanghanlarning bezilirining yarilinish ehwalining éghir ikenlikini, ölgenler sanining téximu köpiyip kétishidin endishe qiliniwatqanliqini eskertti.

hazirche héchqandaq terep hujumning jawabkarliqini üstige almidi.

tünügün nangarhar wilayitining déhkai rayonidiki bir qisim kishiler yéziliridiki bezi muhapizetchilerning zomigerlik qilghanliqini ilgiri sürüp hökümetke qarshi naraziliq namayishi ötküzgenidi.


خەتكۈچ: hujum , adem bomba , afghanistan

مۇناسىۋەتلىك خەۋەرلەر