нангарһарда мәйданға кәлгән адәм бомба һуҗумида җенидин айрилғанлар сани 68 гә йәтти

афғанистанниң шәрқий қисмиға җайлашқан нангарһар вилайтидә түнүгүн чүштә мәйданға кәлгән адәм бомба һуҗумида өлгәнләр саниниң 68 гә йәткәнлики, йариланғанлар саниниң 168 икәнлики билдүрүлди.

нангарһарда мәйданға кәлгән адәм бомба һуҗумида җенидин айрилғанлар сани 68 гә йәтти

түркийә авази радийоси хәвири: нангарһар вилайәтлик сәһийә ишлири мудирлиқиниң байанатчиси әмануллаһ мийаһил, бир адәм бомба һуҗумчисиниң деһкаи районида һөкүмәткә қарши намайиш өткүзүватқанларниң арисиға соқунуп киривалғандин кейин бәдинигә теңивалған бомбини партлатқанлиқини, партлашта йариланғанларниң бәзилириниң йарилиниш әһвалиниң еғир икәнликини, өлгәнләр саниниң техиму көпийип кетишидин әндишә қилиниватқанлиқини әскәртти.

һазирчә һечқандақ тәрәп һуҗумниң җавабкарлиқини үстигә алмиди.

түнүгүн нангарһар вилайитиниң деһкаи районидики бир қисим кишиләр йезилиридики бәзи муһапизәтчиләрниң зомигәрлик қилғанлиқини илгири сүрүп һөкүмәткә қарши наразилиқ намайиши өткүзгәниди.



مۇناسىۋەتلىك خەۋەرلەر