musulman qérindashlar teshkilati rehberlirining mal-mülükliri musadire qilindi

misirda pirézidént muhemmed mursi, aile-tawabiatliri we musulman qérindashlar teshkilatining bezi mesulliri bolup jemiy 1589 kishining mal-mülki musadire qilindi.

musulman qérindashlar teshkilati rehberlirining mal-mülükliri musadire qilindi

türkiye awazi radiyosi xewiri: misirda herbiy-siyasiy özgirish bilen aghdurup tashlanghan pirézidént muhemmed mursi, aile-tawabiatliri we musulman qérindashlar teshkilatining bezi mesulliri bolup jemiy 1589 kishining mal-mülki musadire qilindi.

misirning dölet gézitliridin el-ehramning bu heqtiki xewiride, «térrorchi guruhlarning mal-mülüklirini bir terep qilish komitéti»ning musulman qérindashlar teshkilatigha eza 1589 kishi, 118 shirket, 1133 ammiwi teshkilat, 104 mektep, 69 doxturxana, 33 intérnét tor béti we téléwiziye qanili qatarliq orun we shexslerning mal-mülüklirini musadire qilghanliqi bildürüldi.  

xewerde musadire qilinghan mal-mülüklerning xezine ishliri idarisigha ötküzüp bérilidighanliqi eskertildi.

mal-mülükliri musadire qilinghanlar ichide mursi we ailisidin sirt musulman qérindashlar teshkilati rehberlik heyiti bashliqi muhemmed bedii, rehberlik heyitining muawin bashliqi hayrat shatir, dunya musulman alimlar ittipaqi reisi yusuf el qaradawi, musulman qérindashlar teshkilati mesulliridin muhemmed el biltaji we saad el qetanigha oxshash shexslermu bar.

musulman qérindashlar teshkilati mesulliri mal-mülüklirini musadire qilghan «misir térrorchi guruhlarning mal-mülüklriini bir terep qilish komitéti»ning qanunluq salahyitini étirap qilmaydighanliqlirini bildürüshkendin sirt, özlirige qaritilghan  barliq eyibleshlirimu ret qilishti.



مۇناسىۋەتلىك خەۋەرلەر