мисир билән сәуди әрәбистан идлиб тоғрисида сөзләшти

мисир ташқи ишлар министири сәмиһ шукри сәуди әрәбистанлиқ мәнсәпдеши адил әлҗубәйр билән идлиб мәсилиси тоғрисида сөзләшти.

мисир билән сәуди әрәбистан идлиб тоғрисида сөзләшти

түркийә авази радийоси хәвири: мисир ташқи ишлар министири сәмиһ шукриниң сәуди әрәбистанлиқ мәнсәпдеши адил әлҗубәйр билән идлиб мәсилиси тоғрисида сөзләшкәнлики вә әстайидил сөһбәтләрни өткүзүш арқилиқ сийасий чарә тепиш мусаписиниң сүритини ашурушниң муһимлиқи тоғрисида бирдәклик һасил қилғанлиқи билдүрүлди.

мисир ташқи ишлар министирлиқи йазма байанат елан қилип, шукриниң 150 – нөвәтлик әрәб әллири иттипақи ташқи ишлар министирлири йиғини даирисидә, сәуди әрәбистанлиқ мәнсәпдеши адил әлҗубәйр билән көрүшкәнликини билдүрди. байанатта, икки министирниң икки дөләт мунасивәтлиридин сирт, идлибни өз ичигә алған сүрийәдики өзгиришләр тоғрисида сөзләшкәнлики қәйт қилинди.

байанатта йәнә, учришишта, икки министирниң б д т ниң назарәтчилики астида әстайидил сөһбәтләрни өткүзүп, сийасий чарә тепиш мусаписиниң сүритиниң ашурулуши вә асасий қанун комитетиниң балдуррақ қурулуши тоғрисида бирдәклик һасил қилғанлиқиға ишарәт қилинди.



مۇناسىۋەتلىك خەۋەرلەر