каталонийә хәлқи мустәқиллиқ үчүн йиғилди

барселонада каталонийә хәлқи каталонийәниң миллий байрими «ла дийада» (La Diada)ни тәбрикләш үчүн йиғилди.

каталонийә хәлқи мустәқиллиқ үчүн йиғилди

түркийә авази радийоси хәвири: испанийәниң барселона шәһиридә тәхминән 1 милйон адәм, каталонийәниң миллий байрими «ла дийада» (La Diada)ни тәбрикләш үчүн йиғилди.

каталонийәниң 1714-йили 11-сентәбирдә испанийәниң контроллуқи астиға кириши хатирләнгән дийада күни,  бу йил мустәқиллиқни йақлиғучи каталонийәликләрниң мустәқиллиқ тәләплирини күнтәртипкә елип кәлгән күнгә айланди.

тәбрикләш мурасимида сөз қилған каталонийә аптоном һакимийити башлиқи кийум торра әркинлик тәләп қилидиғанлиқини дегән болса, мәйданларға йиғилған каталонийәликләр мустәқиллиқни тәләп қилип шоарлар товлашти.

шәһәрдики әң чоң коча болған дийагоналда 6 йерим километир өчрәт шәкилләндүргән каталонийәликләр, «каталонийә җумһурийити»дегән хәт йезилған майкиларни кийишти.

өзигә хас мәдәнийити вә тили болған каталонийә, мустәбит фиранкиско фиранко өлүп 3 йил өткәндин кейин 1978-йили түзүлгән асасий қанун даирисидә аптоном районлуқ салаһйитигә игә болди, 2006-йилға кәлгәндә қанунға түзитиш киргүзүлүп техиму көп һоқуққа еришти.

испанийә асасий қанун мәһкимиси 2010-йили испанчә орниға каталончиға әһмийәт беришни вә каталонийәликләрни милләт сүпитидә етирап қилишни мәзмун қилған қанун маддисини бикар қилиши нәтиҗисидә, мустәқиллиқ талаш-тартишлири кәскинләшти.

1-өктәбирдә өткүзүлгән вә испанийә асасий қанун мәһкимиси тәрипидин қанунсиз елан қилинған мустәқиллиқ рай синаш паалийитидин кейин, каталонийә парламенти 27-өктәбирдә өз алдиға мустәқиллиқ елан қилди.

буниңға қарита испанийә мәркизи һөкүмәт каталонийә һөкүмитини тарқитиветип каталонийәни бивастә башқурушқа башлиди, испанийә сот мәһкимилири болса бәзи каталонийә һөкүмитини қолға елишни қарар қилди.

бултур 21-декабирда өткүзүлгән балдур сайламда мустәқиллиқни йақлайдиған партийәләр утуп чиқип мустәқиллиқ нишани билән һөкүмәт қуруп чиқти.



مۇناسىۋەتلىك خەۋەرلەر