xitay bilen rusiye qerellik halda ortaq herbiy manéwir ötküzüsh üchün kélishti

rusiye mudapie ministiri sérgéy shoygu bilen xitay mudapie ministiri wéy féngxé ikki döletning qerellik halda ortaq herbiy manéwir ötküzüshni qarar qildi.

xitay bilen rusiye qerellik halda ortaq herbiy manéwir ötküzüsh üchün kélishti

türkiye awazi radiyosi xewiri: rusiye mudapie ministiri sérgéy shoygu xitay bilen rusiyening qerellik halda ortaq herbiy manéwir ötküzüsh üchün kélishkenliklirini bildürdi.

tas xewer agéntliqining bu heqtiki xewiride, rusiye mudapie ministiri shoyguning xitay mensebdéshi wéy féngxé bilen «wostok-2018»  namliq herbiy manéwir ötküzülgen tisugo herbiy meshq meydanida körüshkenliki qeyt qilindi.

ministir shoygu « wostok-2018»namliq herbiy manéwir dairiside xitay bilen rusiyening ortaq herbiy manéwir ötküzgenlikini eskertip: biz buningdin kéyin qerellik halda ortaq herbiy manéwir ötküzüshni qarar qilduq, dédi.

féngxému ikki dölet arisidiki herbiy hemkarliqning istiratégiyelik ehmiyetke ige ikenlikini tekitlep ötti.

rusiye fédratsiyesi tarixida eng köp herbiy xadim qatnashqan « wostok-2018 » namliq bu qétimqi herbiy manéwirgha, 300minggha yéqin esker, mingdin artuq ayropilan, tikuchar, uchquchisiz ayropilan, 35minggha yéqin tanka, herbiy aptomobil bilen 80ge yéqin herbiy paraxot qatnashturuldi.

bu qétimqi herbiy manéwirgha xitay we mongghuliye eskerlirimu ishtirak qildi.


خەتكۈچ: rusiye , xitay , herbiy manéwir

مۇناسىۋەتلىك خەۋەرلەر