gutérrés türkiye, rusiye we iranni «tirishchanliqlar» ni bikar qiliwetmeslikke chaqirdi

birleshken döletler teshkilati (b d t) bash katipi antonio gutérrés, türkiye, rusiye we iranni idlibta urushning aldini élish we puqralarning qoghdilishi üchün serp qilinghan héchbir xizmetni bikar qiliwetmeslikke chaqirdi.

gutérrés türkiye, rusiye we iranni «tirishchanliqlar» ni bikar qiliwetmeslikke chaqirdi

türkiye awazi radiyosi xewiri: b d t bash katipi antonio gutérrés b d t merkiziy binasida muxbirlargha bayanat bérip, idlibtiki nahayiti köp nersining xewp astida ikenlikini eskertken halda, qangha milengen süriyede keng dairilik bir urushning yüz bérishidin saqlanmighan teqdirde, buningdin ilgiri qetiy körülüp baqmighan insaniy pajiening yüz béridighanliqini éytip agahlandurdi.

idlibta yashaydighan 3 milyon etrapidiki kishining yérimining buningdin burun yurt – makanliridin mehrun qilinghanliqini eslitip ötken gutérrés, «turmushliri astin – üstün bolup ketti, ularning kétidighan héchqandaq yéri yoq» dédi.

u, idlibning süriyediki axirqi toqunushtin xaliylashturulghan rayon ikenlikini, u yerning qan kölchikige aylandurulmasliqi lazimliqini tekitlep ötti.

gutérrés, idlibtiki mewjut haletning dawamlishish mumkinchiliki yoqluqini shundaqla térrorchilarning mewjudiyitigimu yol qoyulmaydighanliqini bildürdi we sözini dawamlashturup, térrorizmgha qarshi küresh qilish jeryanida xelqaraliq mesuliyetlerning estin chiqirilmasliqi lazimliqini eskertti.

süriye kirizisigha siyasiy chare tépilishi toghrisidiki sözlirini purset tapsila tekrarlaydighanliqini bildürgen gutérrés, «yetküdek azab tartqan bu kishilerni qoghdash ortaq mejburiyitimiz» dégenlerni sözlirige ilawe qildi.



مۇناسىۋەتلىك خەۋەرلەر