ақсарай: трамп билән кимниң иккинчи қетимлиқ учришишиға даир тәййарлиқлар давамлишиватиду

ақсарай, америка қошма иштатлири пирезиденти доналд трамп билән шималий корейә лидири ким җоңунниң иккинчи бир башлиқлар йиғини чақиришиға алақидар бир пиланни музакирә қиливатқанлиқлирини билдүрди.

ақсарай: трамп билән кимниң иккинчи қетимлиқ учришишиға даир тәййарлиқлар давамлишиватиду

түркийә авази радийоси хәвири: ақсарай байанатчиси сараһ сандерс, трампниң өткән һәптә мухбирларға дегән <шималий корейә лидиридин күтүватқан мәктуп> ни тапшуруп алғанлиқини, мәктупниң «наһайити қизғин вә иҗабий» икәнликини әскәртти.

ким җоңун җамаәтчиликкә елан қилинишиға қошулған тәқдирдә, ақсарайниң мәктупниң тәпсилатини ортақлишидиғанлиқини тәкитлигән сандерс, «мәктупниң асаслиқ нишани, нөвәттә биз орунлаштуруш басқучида туруватқан пирезидент билән иккинчи қетим учришиш тәлипидә болуштин ибарәт» дегәнләрни қәйт қилди.

байанатчи сандерс, шималий корейәдә өткән һәптә ахирида өткүзүлгән җумһурийәт байрими тоғрисидиму тохтилип, асаслиқи пуқралар вә иқтисадий тәрәққийатниң әһмийити тәкитләнгән тәбрикләшләрниңму «йахши нийәтниң көрсәткүчи» икәнликини қәйт қилди.

ақсарай байанатчиси, трампниң шималий корейә сийаситидә «пәвқуладдә үнүм» һасил қилғанлиқини, мәктупниң мунасивәтләрниң гүлләнгәнликини көрситип беридиған бир пакит, икәнликини ейтти.

шималий корейәдә өткән йилларда җумһурийәт байримида еғир типлиқ қораллар вә һәрбий күч намайан қилинатти. бу йилқи мурасимға бир қанчә танкидин башқа пәқәт өлчәмлик маңған әскәрләрниң қатнишиши, узун мусапилик башқурулидиған бомба батарийәлириниң орун алмаслиқи диққәтни тартти.

трамп билән ким, 12 – ийунда сингапорда көрүшүп, шималий корейәниң йадро қораллиридин халийлаштурулуши тоғисида бирдәклик һасил қилғаниди, бирақ учришиштин кейинки һәптиләрдә икки дөләт арисидики дипломатик атмосфера бузулушқа башлиған, америка тәрәп шималий корейәни йадро пиланидин ваз кәчмәслик билән әйиблигәниди.

җәнубий корейә билән шималий корейә арисида 1953 – йили имзаланған оқ чиқиришни тохтитиш келишими сайисида уруш ахирлашқан болсиму, бир тинчлиқ келишими имзаланмиғанлиқи үчүн, уруш әмәлий нуқтидин һелиһәм давамлишиватиду, дәп қобул қилиниду.



مۇناسىۋەتلىك خەۋەرلەر