«amérika buningdin kéyin xelqara jinayi ishlar sot mehkimisi bilen hemkarlashmaydu»

xelqara jinayi ishlar sot mehkimisi israiliyening pelestindiki jinayetlirige dair délo turghuzghan we jiddi tekshürüsh bashlighan bolghachqa amérikining xelqara jinayi ishlar sot mehkimisidin ayrilip kétidighanliqi bildürüldi.

«amérika buningdin kéyin xelqara jinayi ishlar sot mehkimisi bilen hemkarlashmaydu»

 

 

türkiye awazi radiyosi xewiri: amérika qoshma ishtatlirining aq saraydiki dölet xewipsizlik meslihetchisi jon bolton xelqara jinayi ishlar sot mehkimisi bilen hemkarlashmaydighanliqini bildürüp, «xelqara jinayi ishlar sot mehkimisi bizge nisbeten burunla ölüktur» dédi.

amérika qoshma ishtatlirining aq saraydiki dölet xewipsizlik meslihetchisi jon bolton tünügün merkizi wasingitonda turushluq «fédératsiyeni yaqilighuchi xelq» namliq ammiwiy teshkilatta söz qildi.

bolton: «11sintebirning xatire küni harpisi üchün, yeni bügün üchün hemde amérika pirézidénti tramp üchün shuni démekchimenki, bedili néme bolishidin qetiy nezer, xelqimizni we ittipaqdashlirimizni bu adaletsiz, qanunsiz sot mehkimisining qararlirigha qarshi qoghdaymiz» dégen sözlerni ishletti.

jon bolton: «amérika buningdin kéyin xelqara jinayi ishlar sot mehkimisi bilen hemkarlashmaydu. uni qollap quwwetlimeydu. uninggha ezamu bolmaydu. uni öz ichide ölüshke tashlap qoyimiz. meyli némila bolmisun, alghan qararliri we urunishliri bilen xelqara jinayi ishlar sot mehkimisi bizge nisbeten ölüktur» dédi.

merkizi gollandiyening lahey shehiride turushluq xelqara jinayi ishlar sot mehkimisi bash mupettishi fato bénsuda may éyida élan qilghan bayanatida, pelestin hökümitining israiliyening qetliam jinayetliri heqqide xelqara jinayi ishlar sot mehkimisige songhan höjjetlirige dair melumatlarni sot bashliqigha yetküzgenlikini éytqan idi.

fato bénsuda 2015yili pelestin weziyitige dair délo turghuzush üchün aldin tekshürüshni bashlaydighanliqini bildürüp, «ishxanam élip barghan aldin tekshürüshlerde muhim musapilerni bésip boldi we yene oxshash shekilde dawamlashturidu» dégen idi.

pelestin iyul éyida xelqara jinayi ishlar sot mehkimisige erz sunup, israiliye we yehudiy köchmenlirining ötküzüwatqan jinayetlirige qarshi jiddiy bir tekshürüsh bashlash kérekliki heqqide chaqiriqta bolghan idi.

pelestin tashqi ishlar ministirliqimu xelqara jinayi ishlar sot mehkimisidin ishghaliyetchi israiliye we yehudiy köchmenlirining ötküzgen jinayetlirini jiddiy tekshürüsh lazimliqini telep qilghan idi.

fato bénsuda xelqara jinayi ishlar sot mehkimisining qararini élan qilishtin bir qanche saet ilgiri amérika tashqi ishlar ministirliqi washingitondiki pelestin azadliq teshkilati ishxanisini taqiwtish qarari alghanliqlirini élan qilghan idi.



مۇناسىۋەتلىك خەۋەرلەر