putin bilen shi jinping körüshti

rusiyening wiladiwostok shehiride ötküzülgen sherq iqtisadiy munbiri dairiside wiladimir putin bilen shi jinping körüshti.

putin bilen shi jinping körüshti

türkiye awazi radiyosi xewiri: rusiye pirézidénti wiladimir putin xitay bilen bolghan sodida milliy pullarning ishlitilishini qollaydighanliqini bildürdi.

putin rusiyening wiladiwostok shehiride ötküzülgen sherq iqtisadiy munbiri dairiside xitay dölet reisi shi jinping bilen körüshti.

körüshüshtin kéyin muxbirlarning soallirigha jawab bergen wiladimir putin, rusiye bilen xitay arisidiki soda sommisining bultur %30 éship 50 milyard dollargha yetkenlikini eskertip: bu yilning axirghiche soda sommimizning 100 milyard dollargha yétidighanliqigha ishinimen, dédi.  

ikki dölet arisidiki sodida milliy pullarning ishlitilishi mesilisi üstide toxtalghan putin mundaq dédi: «rusiye bilen xitay dairiliri ikki dölet arisidiki sodida milliy pullarning ishlitilishini qollaydu. sodida milliy pullar ishlitilse bankichiliq sistémilirimu saghlam bolidu. »

koréye yérim arilining nöwettiki weziyiti üstidimu toxtalghan putin, rusiye-xitay yol xeritisige muwapiq halda koréye yérim arilining weziyitini siyasiy we diplomatik yollardin hel qilish üchün xitay bilen hemkarliq ichide heriket qilidighanliqlirini tekitlep ötti.

shimaliy we jenubiy koréye hakimiyetlirining munasiwetlirini qaytidin berpa qilish üchün körsitiwatqan tirishchanliqlirini qollaydighanliqini éytqan putin: shimaliy koréye bilen amérika munasiwetliri normallashqan teqdirde koréye yérim arili mesilisining hel bolidighanliqigha ishinmen, dédi.



مۇناسىۋەتلىك خەۋەرلەر