kuweytte keng dairilik armiye bash ishtab bashliqliri herbiy ishlar yighini chaqirildi

pars qoltuqi hemkarliq kéngishige eza döletler, misir, iyordaniye we amérika qoshma ishtatliri armiyeliri bash ishtab bashliqliri kuweytte herbiy ishlar yighini chaqirdi.

kuweytte keng dairilik armiye bash ishtab bashliqliri herbiy ishlar yighini chaqirildi

türkiye awazi radiyosi xewiri: misir armiyesi bayanatchisi polkownik tamir errifai, yighin bashlighandin kéyin yazma bayanat élan qilip, misr armiyesi bash ishtab bashliqi léytinant général muhemmed feridning, pars qoltuqi hemkarliq kéngishi, iyordaniye we amérika armiyeliri bash ishtab bashliqlirimu qatnishidighan bir herbiy ishlar yighinigha ishtirak qilish üchün kuweytke ketkenlikini uqturdi.

bayanatchi rifai, kuweyt armiyesi bash qomandanliq ishtabining resmiy teklipige binaen chaqirilghan yighinda, mezkur döletler arisidiki herbiy hemkarliqlar we ottura sherqte yüz bériwatqan özgirishlerni chöridigen halda mewjut xewplerge qarshi küresh qilish mesililirining muzakire qilinghanliqini bildürdi.

pars qoltuqi hemkarliq kéngishi ichidiki seudi erebistan, ereb birleshme xelipiliki, oman, behreyin we qatar armiyeliri bash ishtab bashliqliri, ortaq mudapie we herbiy hemkarliqni kücheytish toghrisida tünügün kuweytte yighin chaqirghanidi. mezkur yighin, 2017 – yili bash kötürgen paris qoltuqi kirizisidin kéyin qatar ishtirak qilghan tunji herbiy ishlar yighini bolup hésablinidu.

seudi erebistan, ereb birleshme xelipiliki, behreyin we misir dairilirining 2017 – yili 5 – iyunda qatar bilen barliq diplomatik munasiwetlirini üzüp tashlap, uni iqtisadiy jehettin muhasirige élishi paris qoltuqi rayonida kirizis peyda qilghanidi.



مۇناسىۋەتلىك خەۋەرلەر